牛角次男坊

營業中

休息中

星期一12:36入座，得四五張枱，冇諗過都要等半個鐘先有得食，追咗幾次單佢哋話因為好多外賣，期間有見佢哋送外賣出嚟，有正常兩三單外賣，但未至於做幾十個order咁誇張，所以話因為送外賣搞到要等半個鐘未免太誇張。期間已經有幾台客都追問侍應，有啲話趕住返工，我都有問侍應佢竟然答話個牛肉要燒，但我心諗燒極都冇理由半個鐘，牛扒都燒完啦。最後終於見到碗飯，食落去啲牛暖嘅，又唔係嗰種真係燒到熱辣辣，賣相好似好靚但其實我覺得味道一般，唔係好值呢個價錢，雖然侍應都算有禮貌，不過如果廚房唔改，唔會再幫襯。