XO醬麵線（$49）
XO醬香到爆，撈起來麵線彈牙順滑，味道濃但唔死鹹，食落好香口，開胃一流！
鹽酥蚵仔（$49）
係今次亮點，金黃酥脆，蚵仔新鮮彈口，咬落鬆化又唔油膩，帶點海鮮甜味，夏天食超爽！
櫻花蝦麻醬A菜（$39）
好特別，櫻花蝦嘅鮮香同麻醬好夾，A菜爽脆，吸晒醬汁，食落口感好豐富，台灣菜嘅創意真是一個驚喜！
鵝肉系列一樣唔失禮
滷鵝腸（$69）滷得入味，Q彈有咬口，滷水香氣好正；白滷水鵝肉前半段（小份 $89）肉質嫩滑，肥瘦啱啱好，滷汁清甜無怪味，入口好舒服；白滷水鵝翅膀（2節 $39）真係大愛，翅膀燜得軟腍，肉嫩滑到骨頭一掹就甩，滷香滲晒入肉，食到啖啖滿足！
兩個人食呢堆菜，份量啱好，食完仲有啲回味！阿城鵝肉嘅台灣風味正宗，配料新鮮，選擇又多，老字號真係名不虛傳，呢到絕對係留港品嘗地道台灣菜嘅好地方！
52
5
