一生懸麵

營業中

休息中

得寶商場入面有間細鋪食拉麵，有bar枱位都有2張4人枱，鋪仔細細但感覺好乾淨企理。兩個人點左一碗雞白湯拉麵，一碗特濃豚肉沾面，一份餃子。湯底好濃，面底有軟硬度選擇。雞肉好腍，但男仔食面底較細未必夠飽。沾面湯底濃郁，湯入面都有幾舊細肉。兩片肉有燒過，食落有非常香嘅火炙味，上下兩層較肥嘅軟肉中間一層肉味較濃較有質感。唯一唔好係因為商場太熱，鋪入面冷氣開到好大，吹到碗麵好快凍左。餃子$29 不過不失，新鮮煎起熱辣辣，但入面肉鬆散。