影片
更多
2017-09-30
236 瀏覽
雖然辦公地點已經由九龍灣轉咗去新蒲崗四個月，但亦無阻我返回九龍灣覓食嘅興趣。這晚下班後就決定夥同兒子過嚟撐檯腳，而地點就選了早前進行內部裝修，上個月尾才正式重新開幕的「Sidewalk Café 茜廊餐廳」。餐廳位於德福花園平台，由 1981 屹立至今，開業已經有 36 年，一向有不少街坊捧場。推門內進，地方頗闊落，而且椅桌擺放得不算密麻，令室內看起來具空間感。近門口 Counter 放了小擺設，天花的嘅吊燈既 Cyber 又型格，配上室內古式石理牆身、用作裝飾的壁櫃和銅色金屬屏風，為裝潢添上一抹時尚。安座後先拿起餐牌細閱，散點項目非常豐富，包括有沙律、湯品、頭盤、小食、意粉、飯、特色主菜、薄餅、東南亞美食、甜品、飲品及酒類。如果點主菜加 $28，可配餐湯、餐包及咖啡或茶，不過小食、沙律及甜品就除外。另外餐廳亦設有晚市套餐，而且選項更多達 24 款，定價由 $88 至 $268 不等，包餐湯/果汁及飲品。先揀兩客頭盤小食做前菜，選了法式焗田螺 ($38) 及黑松露醬薯條 ($38) 各一客。田螺上面鋪滿薯蓉，入口彈牙，既有牛油香也有蒜香，濃香惹味；而配上一小兜黑松露醬嘅薯條，
雖然辦公地點已經由九龍灣轉咗去新蒲崗四個月，但亦無阻我返回九龍灣覓食嘅興趣。這晚下班後就決定夥同兒子過嚟撐檯腳，而地點就選了早前進行內部裝修，上個月尾才正式重新開幕的「Sidewalk Café 茜廊餐廳」。
餐廳位於德福花園平台，由 1981 屹立至今，開業已經有 36 年，一向有不少街坊捧場。推門內進，地方頗闊落，而且椅桌擺放得不算密麻，令室內看起來具空間感。近門口 Counter 放了小擺設，天花的嘅吊燈既 Cyber 又型格，配上室內古式石理牆身、用作裝飾的壁櫃和銅色金屬屏風，為裝潢添上一抹時尚。
安座後先拿起餐牌細閱，散點項目非常豐富，包括有沙律、湯品、頭盤、小食、意粉、飯、特色主菜、薄餅、東南亞美食、甜品、飲品及酒類。如果點主菜加 $28，可配餐湯、餐包及咖啡或茶，不過小食、沙律及甜品就除外。另外餐廳亦設有晚市套餐，而且選項更多達 24 款，定價由 $88 至 $268 不等，包餐湯/果汁及飲品。
先揀兩客頭盤小食做前菜，選了法式焗田螺 ($38) 及黑松露醬薯條 ($38) 各一客。田螺上面鋪滿薯蓉，入口彈牙，既有牛油香也有蒜香，濃香惹味；而配上一小兜黑松露醬嘅薯條，食落亦夠曬薯香，不過就稍嫌略欠熱騰騰口感，幸好配吃的松露醬，香濃又不膩，所以很快便被兒子清盤。
主菜方面，兒子選了一客晚市套餐，而我就揀咗意大利飯，另 +$28 轉配餐湯、餐包及飲品。餐湯有羅宋湯或野菌忌廉湯可供選擇，揀了前者，羅宋湯呈淺橙紅色，味道雖不算濃郁，但亦甜中帶微辣，而入面就放有蔬菜。至於蒜蓉包，拿上手雖然已沒熱烘烘的感覺，但食落外脆內軟，帶濃郁牛油香，味道亦不俗。
接著輪到吃主菜，兒子嘅炭烤特級肉眼扒配薯菜 ($185) 率先送上，自選醬汁有黑椒汁、蒜蓉汁、松露洋蔥汁及燒汁四款可供選擇。肉眼扒以圓形鐵板盛載，餐牌上雖然無標明幾多安士，但其實 Size 都幾大，而且有適度的油脂及濃厚的味道，入口肉質嫩滑又滿佈肉汁，蘸點蒜蓉汁，再配埋旁邊滑溜又有口感的薯仔、爽口嘅西蘭花及黃椒一起吃，既飽肚又滿足！
至於我點嘅黑松露雞肉意大利特色飯 ($108)，水準亦不俗，飯粒雖然非常濕潤，而且呈現黏性，但食落亦不會過份糊作一團，加上雞肉煮得夠滑溜，可突出松露菌的香味，即使不配搭任何配菜也很好吃。
飲品方面，兒子選了紫薯豆奶雪糕紅豆冰 (套餐轉飲 +$32) ，而我就揀咗杯紅莓茶。紅豆冰非常特別，不下花奶，轉成豆奶，並且加入大熱紫薯，令甜美的紅豆冰不但多了一陣豆奶香，而且更充分展現紫薯的香濃味道，配上頂頭滑溜的雲呢拿雪糕和飽滿又烚得夠腍的紅豆，新鮮感十足。至於我揀嘅紅莓茶，雖然是有點酸，但配以香濃紅茶，味道得以中和，亦很易入口。
終於來到甜品時間，本來想點朱古力布朗尼同鮮果棉花棒棒新地，但當晚服務員稱，除了自家製蛋糕外，所有甜品暫停供應，真令人有點掃興。好彩兒子揀嘅紐約芝士餅 ($45) 和意大利芝士餅 ($45)，味道都唔錯，前者餅身較硬，芝士味濃，配上以牛油麥餅碎製成的餅底，鬆脆好吃；而後者意大利芝士餅，質地就較軟滑，芝士味淡但口感輕柔，食落充滿咖啡香。
整體來說，店裡的食物，雖然唔可以話樣樣都好出色，但這晚我倆點的幾款菜式，味道都唔錯，離開時，眼見幾乎全場滿座，可見餐廳有一定的實力！
張貼
