影片
更多
2023-12-07
26 瀏覽
平時嚟九龍城食泰國菜，路過見到依間精緻居酒屋於是入去試試 ~ 裝潢以木系為主，配搭灰色水泥同紅磚牆，門口大窗仲有一排招財貓好可愛。氣氛 Causal，適合一班朋友黎，傾吓計食吓野放鬆。Menu 有刺身、壽司、炸物、丼物、漬物、玉子燒、定食、甜品，仲有各式各樣嘅串燒，豬牛雞、海鮮、蔬菜都有。價格同一般居酒屋差唔多，消費滿 $500 可以轉輪盤抽獎會有小禮物。○ 前 菜 // 每位 $10枝豆煙肉薯蓉沙律，附送一片薄檸檬，清新開胃。○ 時 令 漬 物 // $38三款唔同嘅漬物同樣開胃，最鍾意味道清新爽脆嘅牛蒡！醃漬雪菜、昆布，鹹鹹酸酸令胃口大開。○ 燒 鱈 魚 乾 // $48燒到香脆，唔會太乾身，佐酒一流。○ 極 品 刺 身 三 品 // $238分別係油甘魚、三文魚、帆立貝。厚切三文魚肥美，帶子大隻鮮甜。油甘魚清甜爽口。○ 蒜 香 三 文 魚 反 卷 // $188○ 煙 腩 肉 秋 葵 串 // $48用包住一粒原整嘅青提去燒，味道有驚喜。豚肉經過燒烤帶有焦香，口感變得更腍同更多汁，兩者味道好配合。豐富油脂，食落肥而不膩，秋葵口感清新○ 赤 雞 肉 香 葱 卷 // $32嫩滑雞
Menu 有刺身、壽司、炸物、丼物、漬物、玉子燒、定食、甜品，仲有各式各樣嘅串燒，豬牛雞、海鮮、蔬菜都有。
價格同一般居酒屋差唔多，消費滿 $500 可以轉輪盤抽獎會有小禮物。
○ 前 菜 // 每位 $10
枝豆煙肉薯蓉沙律，附送一片薄檸檬，清新開胃。
○ 時 令 漬 物 // $38
三款唔同嘅漬物同樣開胃，最鍾意味道清新爽脆嘅牛蒡！
醃漬雪菜、昆布，鹹鹹酸酸令胃口大開。
○ 燒 鱈 魚 乾 // $48
燒到香脆，唔會太乾身，佐酒一流。
○ 極 品 刺 身 三 品 // $238
分別係油甘魚、三文魚、帆立貝。
厚切三文魚肥美，帶子大隻鮮甜。
油甘魚清甜爽口。
○ 蒜 香 三 文 魚 反 卷 // $188
○ 煙 腩 肉 秋 葵 串 // $48
用包住一粒原整嘅青提去燒，味道有驚喜。
豚肉經過燒烤帶有焦香，口感變得更腍同更多汁，兩者味道好配合。
豐富油脂，食落肥而不膩，秋葵口感清新
○ 赤 雞 肉 香 葱 卷 // $32
嫩滑雞肉加埋清甜多汁嘅京蔥，爽口又嫩滑 ~
○ 厚 切 牛 舌 芯 // $68
厚切真係特別正，
燒至外皮微焦，熟度剛剛好，肉質柔嫩有嚼勁。
本身有少少鹽 + 胡椒調味，
再唧少少檸檬汁，清新又保留到濃厚肉味。
○ 黑 松 露 芝 士 燒 蠔 // $88
一上枱已聞到陣陣黑松露香氣，
芝士香濃，生蠔夠 juicy，
加埋黑松露味道層次豐富。
○ 南 蠻 炸 雞 // $88
份量非常多，炸得金黃鬆脆，雞肉嫩滑入味，
食既時候蘸上他他醬，
酸酸甜甜可以中和油膩感，佐酒真係一流。
○ 鹹 蛋 蟹 膏 玉 子 // $88
即叫即整，都算大件同厚身。
火候控制得岩岩好，
口感濕潤綿密，滑嫩到似蒸出嚟。
個人唔鍾意甜玉子燒，依款加入高湯，
香濃蟹膏多到爆出嚟，鮮味同蛋香好夾。
○ 月 見 醬 唐 揚 飯 糰 // $48
掃滿醬汁嘅外層煎得香脆，
裏面既飯糰好軟糯，配生雞蛋口感滑溜。
○ 薯 上 白 雪 // $58
熱辣辣既香甜蕃薯，
加上冰凍滑溜豆腐雪糕，
冰火口感，本身好飽，
點知一啖接一啖好快食晒，
係幸福既感覺 ~
○ 2 小 時 啤 酒 / 清 酒 任 飲 優 惠 // 每位 $98
Sake Bar 顧名思義梗係有清酒飲，
仲要係任意，岩晒酒鬼 ~
就算平時唔飲開，小酎幾杯配埋小食，
CP 值都好高！
ꕀ
🍝 #Sake Bar Present #禮
📍 九龍城打鼓嶺道79號地舖
🚇 MTR 宋皇臺站 Exit B2
🕛 TUE-SUN 1730 - 0200
- - - - - - - - - -- - - - - -
張貼
