影片
更多
2020-09-15
1156 瀏覽
同中學同學喺九龍城食完晚飯，我哋自不然走咗去食飯後糖水😛。喺九龍城數一數二出名嘅應該係「潮州合成甜品」。不過可能由於限聚影響，加上餐廳十點後無得做堂食，所以呢晚去到嗰度發現比以往靜局。可能係咁，啲姐姐無咁忙，態度亦好咗🙈。我同朋友叫咗一人一碗腐竹薏米清之丸($36)，本身有諗過不如嗌兩款唔同嘅試下，之但係睇嚟睇去都係呢款最想食，而且清心丸係膽😎。糖水清清哋，唔太甜，味道唔錯；但我嫌糖水太少、腐竹太多又唔夠薄，成碗口感變得稠稠厚厚的，扣分。不過清心丸依然大大粒，四四方方，幾可嚼口👍，個人感覺同糯米磁唔同，口感係再煙韌同正啲。但食落好飽肚😂，我居然食唔哂成碗。餐牌明明寫$35，但落單要$36，$1就由佢啦，可能餐牌追唔上加價，哈哈。如果以佢知名度計，呢個價錢唔算貴，因為出面新派甜品舖閒閒地都$40一份啦😉。另外，糖水都幾大碗，份量多！合成收藏啲剪報收藏得好好，過哂膠，全部都係接近20年歷史嘅舊報道。佢出名到日本旅遊書都有介紹佢🤔。小店環境好一般，舊唔係問題，問題係在於好多雜物咁，感覺唔太乾淨😳...。佢有兩層，之前去過上層都差唔多情況。總括嚟講，我覺得去開九龍城想食清心丸嘅不妨幫襯一下，但
同中學同學喺九龍城食完晚飯，我哋自不然走咗去食飯後糖水😛。喺九龍城數一數二出名嘅應該係「潮州合成甜品」。
不過可能由於限聚影響，加上餐廳十點後無得做堂食，所以呢晚去到嗰度發現比以往靜局。可能係咁，啲姐姐無咁忙，態度亦好咗🙈。
腐竹薏米清之丸
$36
18 瀏覽
0 讚好
0 留言
糖水清清哋，唔太甜，味道唔錯；但我嫌糖水太少、腐竹太多又唔夠薄，成碗口感變得稠稠厚厚的，扣分。不過清心丸依然大大粒，四四方方，幾可嚼口👍，個人感覺同糯米磁唔同，口感係再煙韌同正啲。但食落好飽肚😂，我居然食唔哂成碗。
餐牌明明寫$35，但落單要$36，$1就由佢啦，可能餐牌追唔上加價，哈哈。如果以佢知名度計，呢個價錢唔算貴，因為出面新派甜品舖閒閒地都$40一份啦😉。另外，糖水都幾大碗，份量多！
合成收藏啲剪報收藏得好好，過哂膠，全部都係接近20年歷史嘅舊報道。佢出名到日本旅遊書都有介紹佢🤔。
小店環境好一般，舊唔係問題，問題係在於好多雜物咁，感覺唔太乾淨😳...。佢有兩層，之前去過上層都差唔多情況。
總括嚟講，我覺得去開九龍城想食清心丸嘅不妨幫襯一下，但專登去就唔太值得。我朋友話上兩次食啲清心丸好粉(今次正常)，所以可能代表品質都幾唔穩定。其實我有時喺到諗清心丸應該唔係好難整啫，但偏偏無幾多間舖有賣，所以抵合成做獨市生意嘅😝！
張貼
