影片
更多
2019-09-16
73 瀏覽
朋友想食靚牛，跟住我上網睇到有人推薦九龍城呢間牛精皇食牛好正，早幾日就去咗食！原來呢到可以選擇套餐或者散叫，套餐分別有優惠2人餐係$398、精選2人餐就係$548。睇咗一陣，見套精選二人餐嘅嘢都幾啱口味，同埋感覺比較抵食，就揀咗一份。店員同我哋落單嗰陣介紹話逢星期一至四象拔蚌刺身有優惠，$198有半份 (平時冇叫半份，一份要$888)，而家四分一價錢就食到，一於order埋！果然冇介紹錯，勁鮮甜，令人回味無窮！真係必叫！原來而家仲有個優惠，就係$88 可以任揀三款海鮮，計落都okay喎，我哋揀咗象拔蚌仔、貴妃蚌同埋廣島蠔！呢到冇將貨就價，啲海鮮食落都好新鮮！套餐包一個$78嘅湯底，如果要轉其他就補返差價，我哋要咗清湯拼蕃茄薯仔湯，加$40，清湯唔係淨係得湯，仲有啲粟米、蘿蔔等等嘅配料，蕃茄薯仔湯真係好足料，有大大件蕃茄，茄味濃稠，落完啲配料唔需要點任何醬料都好夠味，勁正！呢到最特別嘅係會一次過上晒大部分嘅火鍋料，用一個三層架裝住，勁慳位！啲配料仲擺得好整齊！精選2人餐包咗13款食物 (如下圖)，啲牛真心好正！其他配料都屬於中上水平，尤其手打丸好彈牙，啲自製餃隻隻都包得好飽滿，雖然每款每
原來呢到可以選擇套餐或者散叫，套餐分別有優惠2人餐係$398、精選2人餐就係$548。睇咗一陣，見套精選二人餐嘅嘢都幾啱口味，同埋感覺比較抵食，就揀咗一份。
店員同我哋落單嗰陣介紹話逢星期一至四象拔蚌刺身有優惠，$198有半份 (平時冇叫半份，一份要$888)，而家四分一價錢就食到，一於order埋！果然冇介紹錯，勁鮮甜，令人回味無窮！真係必叫！
原來而家仲有個優惠，就係$88 可以任揀三款海鮮，計落都okay喎，我哋揀咗象拔蚌仔、貴妃蚌同埋廣島蠔！呢到冇將貨就價，啲海鮮食落都好新鮮！
套餐包一個$78嘅湯底，如果要轉其他就補返差價，我哋要咗清湯拼蕃茄薯仔湯，加$40，清湯唔係淨係得湯，仲有啲粟米、蘿蔔等等嘅配料，蕃茄薯仔湯真係好足料，有大大件蕃茄，茄味濃稠，落完啲配料唔需要點任何醬料都好夠味，勁正！
呢到最特別嘅係會一次過上晒大部分嘅火鍋料，用一個三層架裝住，勁慳位！啲配料仲擺得好整齊！精選2人餐包咗13款食物 (如下圖)，啲牛真心好正！其他配料都屬於中上水平，尤其手打丸好彈牙，啲自製餃隻隻都包得好飽滿，雖然每款每人得一隻，但都夠食！
手切肥牛嘅紋理好靚，牛味同脂肪嘅比例啱啱好！
牛柳粒嘅肉味就重好多，店員叫我哋要煮十分鐘，但煮完又唔會韌，好好咬！
我最鐘意食牛白肉，灼八秒鐘就食得！牛白肉質感好爽脆，有油份但係唔膩！
呢餐真係食得勁滿足，一定會再嚟幫襯！
P.s 店內環境唔算大，如果嚟食真係要訂枱，如果唔係好易摸門釘🤣🤣
張貼
