影片
更多
2018-09-10
829 瀏覽
九龍城好多泰國菜館同火煱店，講到中式小炒就真係唔多，見呢間開咗都幾耐，呢晚終於嚟試試。呢度仲要係開到零晨三點，幾夜都唔怕冇得食。見到餐牌，第一樣最吸睛係BB鴿，唔多中菜館有，要好似呢度咁五十蚊一隻就更少見，一於試一隻。真係好ＢＢ，原隻上，燒得好脆，亦唔會太肥，一個人食一隻份量啱啱好。真係好抵食！餐牌上另一推介菜式係石鍋鮑魚/石鍋海參/石鍋花膠，推廣價$62/位，好似幾抵食，我吔揀咗鮑魚同海參各一客。實物有少許失望，每客都附上兩條小棠菜，餐牌上好似每款都好唔同，但食落就似係用上同一個汁，似係一大煲煮哂鮑魚，海參同花膠，然後就分開唔同石鍋上菜。鮑魚同海參都唔係好大隻，海參更係用上韓國貨，汁就好多。試下無妨，以呢個價錢可能揀其他小菜會抵食啲。七味黃金豆腐都係幾多人叫嘅菜式，好似好簡單的一道菜，完全係有驚喜，雖然食落應該係百Ｘ牌豆腐，但每件都炸得好靚，再加埋豆腐面嘅一啲芝麻同味粉，好香口得嚟又唔會太熱氣。好味！想食蔬菜但又想試啲特別啲，呢個野菌焗帶子真係唔錯嘅選擇，好香香草味，用上焗嘅煮法就唔會好似酒樓常見嘅炒野菌帶子咁油膩，好乾身，好香口，讚！另再揀個雞嘅菜式，呢度都有唔少選擇，想香口啲就揀
見到餐牌，第一樣最吸睛係BB鴿，唔多中菜館有，要好似呢度咁五十蚊一隻就更少見，一於試一隻。真係好ＢＢ，原隻上，燒得好脆，亦唔會太肥，一個人食一隻份量啱啱好。真係好抵食！
餐牌上另一推介菜式係石鍋鮑魚/石鍋海參/石鍋花膠，推廣價$62/位，好似幾抵食，我吔揀咗鮑魚同海參各一客。實物有少許失望，每客都附上兩條小棠菜，餐牌上好似每款都好唔同，但食落就似係用上同一個汁，似係一大煲煮哂鮑魚，海參同花膠，然後就分開唔同石鍋上菜。鮑魚同海參都唔係好大隻，海參更係用上韓國貨，汁就好多。試下無妨，以呢個價錢可能揀其他小菜會抵食啲。
七味黃金豆腐都係幾多人叫嘅菜式，好似好簡單的一道菜，完全係有驚喜，雖然食落應該係百Ｘ牌豆腐，但每件都炸得好靚，再加埋豆腐面嘅一啲芝麻同味粉，好香口得嚟又唔會太熱氣。好味！
想食蔬菜但又想試啲特別啲，呢個野菌焗帶子真係唔錯嘅選擇，好香香草味，用上焗嘅煮法就唔會好似酒樓常見嘅炒野菌帶子咁油膩，好乾身，好香口，讚！
另再揀個雞嘅菜式，呢度都有唔少選擇，想香口啲就揀咗呢個香葉風味雞煲，配有青紅黃椒同洋蔥，幾惹味之餘又唔會好油膩，亦唔辣，雞件亦有唔少肉，唔多骨，好啱配碗白飯。
張貼
