影片
更多
2021-10-02
759 瀏覽
今日同男朋友去九龍城一日遊，當然要食翻餐泰式晚餐先似樣！ 見呢間菜館個餐牌都幾多選擇，有泰又有越，一於試下！餐廳上菜速度都幾快，不過略嫌坐得迫啲，而且服務態度都好一般，隔離嘅情侶要求掉位問可唔可以坐喺另一邊，個阿姐直接答：唔可以 😂 一開始叫咗一個細嘅小食拼盤，上面有荷葉雞、蝦餅、春卷同埋串燒雞，份量都唔少。每樣嘢有三份，即係呢個細拼盤係預三個人食～蝦餅都彈牙香口嘅，但係我見佢餐單有另一種蝦餅入邊饟咗蝦膏，一開始仲以為拼盤都會係依款特別嘅蝦餅，可惜係普通嘅。荷葉包雞就係好普通嘅香料雞 😂 佢嘅春卷係有原隻蝦嘅 冇其他配料啦。仲有串燒雞，其實依個拼盤入邊嘅四樣嘢我都鍾意食，但只可以話四樣都冇乜特別。另一個係泰式炒金邊粉，相對來講份量幾少，我哋兩個人食都OK嘅，味道方面香口有鑊氣，但質感有啲濕，應該係因為用泰式醬炒嘅原因，同埋成碟得兩隻蝦。我哋仲叫咗一個青咖喱雞，我幾欣賞佢啲豆角同茄子唔會煲到爛晒，但係雞就係好普通嘅急凍雞肉 佢個青咖喱質感比較稠身，應該係落咗好多椰漿，同埋唔算好辣嘅～我哋叫咗一個蒜蓉包（唔記得影相）配咖喱食。最後我哋每人仲有杯嘢飲，男朋友嘅龍眼薏米冰非常甜，我嘅鹹檸七都幾
餐廳上菜速度都幾快，不過略嫌坐得迫啲，而且服務態度都好一般，隔離嘅情侶要求掉位問可唔可以坐喺另一邊，個阿姐直接答：唔可以 😂
一開始叫咗一個細嘅小食拼盤，上面有荷葉雞、蝦餅、春卷同埋串燒雞，份量都唔少。每樣嘢有三份，即係呢個細拼盤係預三個人食～蝦餅都彈牙香口嘅，但係我見佢餐單有另一種蝦餅入邊饟咗蝦膏，一開始仲以為拼盤都會係依款特別嘅蝦餅，可惜係普通嘅。荷葉包雞就係好普通嘅香料雞 😂 佢嘅春卷係有原隻蝦嘅 冇其他配料啦。仲有串燒雞，其實依個拼盤入邊嘅四樣嘢我都鍾意食，但只可以話四樣都冇乜特別。
另一個係泰式炒金邊粉，相對來講份量幾少，我哋兩個人食都OK嘅，味道方面香口有鑊氣，但質感有啲濕，應該係因為用泰式醬炒嘅原因，同埋成碟得兩隻蝦。
我哋仲叫咗一個青咖喱雞，我幾欣賞佢啲豆角同茄子唔會煲到爛晒，但係雞就係好普通嘅急凍雞肉 佢個青咖喱質感比較稠身，應該係落咗好多椰漿，同埋唔算好辣嘅～我哋叫咗一個蒜蓉包（唔記得影相）配咖喱食。
最後我哋每人仲有杯嘢飲，男朋友嘅龍眼薏米冰非常甜，我嘅鹹檸七都幾好飲。埋單$350，算係好合理嘅價錢，但總括來講我覺得係穩陣之選，唔會令我覺得九龍城泰國菜有咩咁特別😗
張貼
