亞參雞飯 (德福廣場1期)

營業中

休息中

附近收工搵餐廳，之前都嚟過食海南雞飯，同意“ 尋覓99分海南雞飯”之標題，質素對得住價錢，打算今日返嚟回購。坐低之後，忽然俾餐牌上另外一款產品給引，原來呢度有款馬來咖哩豬扒撈麵，立即將quota移交至未食過嘅品種。咖哩味道屬偏甜一種，有咖哩香味，配埋另附嘅辣油撈麵屬神來之筆，味覺享受的確一流。豬扒味道正常，純粹“乸”得過咗火位，映襯出薯仔質感好，軟硬適中。成個菜式嚟講，冇乜其他可以挑剔位置，下次會試牛腩版本。知道此店的公司一直以培訓做得好自居，今次埋單足足等咗五分鐘或以上，事原係員工唔識/未能成功將客人個會員app對沖優惠，因價錢問題未能完成交易。 希望餐廳一方如見到此文，能夠多加留意。