和牛燒肉一郎 (荃灣廣場)

營業中

休息中

星期五晚朋友約我哋一齊燒嘢食，佢唔知喺邊度搵到呢間喺荃灣嘅和牛燒肉一郎，係日式燒烤和牛任食吃到飽。聽佢講得好正，就打算星期五晚餐時段去試吓，結果真係幾唔錯嘅。我哋四個人，叫咗放題Set E，價錢公道，幾抵食！主角黑毛和牛六款，真係最正，六款和牛嘅肉都非常有特色，和牛獨有嘅香味同普通牛肉真係唔一樣，油脂好均勻，每一口都食得到滿滿嘅牛油香。呢度可以攞嚟燒嘅食材真係好多，我哋幾個朋友特登攞咗啲平時唔係咁會攞嚟燒嘅食材。棉花糖同菠蘿攞嚟燒之後，甜味更加濃，糖分都被燒咗出嚟，味道更加好。然後就係海鮮，有原隻魷魚筒、海蝦同青口，燒烤後海鮮獨有嘅鮮味更加豐富，非常好食。有朋友叫咗宮崎南蠻炸雞卷，我攞咗一個嚟試吓，都幾唔錯，炸雞好脆，配埋壽司卷，味道好好。最後當然唔少得甜品，甜度適中，唔會過於膩，而且種類好豐富，鍾意咩口味嘅甜品都有得揀。同幾個朋友真係食得好開心，我哋都真心覺得呢度好正。