茶園

營業中

休息中

難得星期六，今次父親大人就book左grand hyatt嘅lunch buffet帶我同母親大人去食。呢間餐廳其實已經惠顧左好多年啦，但水準依然咁好，亦係我覺得食物種類最多元化嘅一間。佢哋嘅裝修非常典雅加埋鋼琴嘅伴奏，簡直係一級享受。我就想重點推介3樣食物。第一就係佢哋自家制嘅煙三文魚。佢哋嘅三文魚味道好濃郁，但又唔會話太過咸，真係好正。第二樣呢就係佢嘅燒牛肉。燒牛肉其實大部份都係median，如果唔食得太生嘅朋友就要叫廚師切熟d嘅部分比你啦。牛肉嚟講佢唔算好老嗰隻，加d芥辣食都幾正嫁！而甜品呢就想介紹返佢酒店cake shop都有賣嘅紅豆綠茶卷啦。佢嘅綠茶味唔係會係好苦嗰隻，紅豆都粒粒分明，連平時嘴饞嘅母親大人都好鐘意食嫁。