影片
更多
2019-01-16
1215 瀏覽
突然之間好想食點心，又咁岩搵到呢一間餐廳一於去試吓價錢唔算貴選擇對我來講都算多，而且仲有一啲比較特別啲嘅款式。鍾意食菜嘅我就叫咗個濃湯杞子浸時蔬面頭睇落去係完全冇杞子但係原來啲杞子喺晒底嗰度，份量亦都非常十足個菜就叫做不過不失咁啦。之後就叫多一個濃湯紫菜墨魚滑，個湯底做得幾出色仲有個墨魚滑係有啲驚喜嘅，夠彈牙爽口，唔錯嘅隔離就係豬膶魚腩粥，呢個粥就非常一般 。粥底唔夠綿而且啲豬潤好鞋。而啲魚腩嘅份量亦都唔係好夠同豬潤比嘅話係小好多。呢一個唔叫都冇乜所謂。之後我哋就叫咗個馬拉糕，味道唔算太甜，質感幾好，又唔會整得過火，岩岩好，我覺得幾好食。跟住亦都有叫叉燒包同埋菜苗餃，菜苗餃做得非常之出色，皮薄餡靚，而且裏面係用咗新鮮嘅豆苗整，非常好食叉燒包亦都係一個唔錯。再睇睇個排骨飯，呢個價錢叫搵到咁上下質素嘅飯真係唔容易。雖然佢嘅份量唔多但係佢嘅排骨好入味，唔會好似出邊酒樓咁咁多肥膏，一大浸油脂，呢度嘅排骨做得相當唔錯。另一味值得推介嘅就係魚翅餃。當然佢唔係用真嘅魚翅來做啦但係佢係整得幾好食嘅。我哋仲叫咗一個陳村粉鳳爪排骨，依家好多酒樓同埋點心鋪頭都冇陳村粉所以我哋就叫左一客試下。點知係有啲失望嘅
鍾意食菜嘅我就叫咗個濃湯杞子浸時蔬
面頭睇落去係完全冇杞子但係原來啲杞子喺晒底嗰度，份量亦都非常十足個菜就叫做不過不失咁啦。之後就叫多一個濃湯紫菜墨魚滑，個湯底做得幾出色仲有個墨魚滑係有啲驚喜嘅，夠彈牙爽口，唔錯嘅
隔離就係豬膶魚腩粥，呢個粥就非常一般 。粥底唔夠綿而且啲豬潤好鞋。而啲魚腩嘅份量亦都唔係好夠同豬潤比嘅話係小好多。呢一個唔叫都冇乜所謂。之後我哋就叫咗個馬拉糕，味道唔算太甜，質感幾好，又唔會整得過火，岩岩好，我覺得幾好食。
跟住亦都有叫叉燒包同埋菜苗餃，菜苗餃做得非常之出色，皮薄餡靚，而且裏面係用咗新鮮嘅豆苗整，非常好食叉燒包亦都係一個唔錯。
再睇睇個排骨飯，呢個價錢叫搵到咁上下質素嘅飯真係唔容易。雖然佢嘅份量唔多但係佢嘅排骨好入味，唔會好似出邊酒樓咁咁多肥膏，一大浸油脂，呢度嘅排骨做得相當唔錯。
另一味值得推介嘅就係魚翅餃。當然佢唔係用真嘅魚翅來做啦但係佢係整得幾好食嘅。我哋仲叫咗一個陳村粉鳳爪排骨，依家好多酒樓同埋點心鋪頭都冇陳村粉所以我哋就叫左一客試下。點知係有啲失望嘅個鳳爪比較乾身而且唔夠入味。陳村粉睇落去亦都係似普通嘅河粉而並非我哋平時食開嘅陳村粉，所以呢一個大大失望。
仲有呢到ge鮮蝦腸粉做得太厚同埋太痴身，變咗一夾起好容易爛。呢個係餐廳需要改善嘅地方。
總括嚟講呢間餐廳個質素叫做中等左右但係如果想來食點心唔想去酒樓同人迫嘅話呢間亦都係一個唔錯嘅。價錢夠貼地而且質素都叫做可以接受最重要嘅係佢叫做多選擇。
張貼
