影片
更多
2019-01-17
398 瀏覽
聖誕節去澳洲玩咗個幾星期，到最後數日已經想念香港嘅粥粉麵飯，落機後第一件事就係要食港式粉麵！攞完行李出嚟見到何洪記，招牌上所有嘅食品都好啱食就決定一試！其實一直都想試何洪記，不過睇食評發現好多人都話佢名過其實，所以都無食過銅鑼灣嗰間，今次喺機場無咁多選擇就試下！我哋試咗爽脆鮮豬潤湯麵同蛋煎蝦米腸。我哋覺得豬潤有驚喜，因為豬潤好新鮮，同埋個生熟度把握得好好，所以入口真係好爽脆！不過個麵細份咗少少，好似幾啖就食完。一落單，待應就提醒我哋蛋煎蝦米腸製作需時，我哋唔趕時間，所以都無所謂。大約十五分鐘之後就有得食。雖然都係簡單食材，但加埋一齊煎之後都幾夾，有米香又有蛋香。加甜豉油已經好好味！總括而言，雖說有人話何洪記名過其實，但佢嘅豬潤係有一定嘅實力！
爽脆鮮豬潤湯麵
$68
37 瀏覽
0 讚好
0 留言
我哋試咗爽脆鮮豬潤湯麵同蛋煎蝦米腸。我哋覺得豬潤有驚喜，因為豬潤好新鮮，同埋個生熟度把握得好好，所以入口真係好爽脆！不過個麵細份咗少少，好似幾啖就食完。
蛋煎蝦米腸
$72
22 瀏覽
0 讚好
0 留言
一落單，待應就提醒我哋蛋煎蝦米腸製作需時，我哋唔趕時間，所以都無所謂。大約十五分鐘之後就有得食。雖然都係簡單食材，但加埋一齊煎之後都幾夾，有米香又有蛋香。加甜豉油已經好好味！
總括而言，雖說有人話何洪記名過其實，但佢嘅豬潤係有一定嘅實力！
張貼
