影片
更多
2024-02-26
34 瀏覽
2024年2月5日 星期一仲有一個星期就到農曆新年，終於可以放個長啲嘅假期休息下，而今晚就同老婆黎食久違既蟹宴，用嚟滿足一下新年去唔到日本旅行既願望餐廳可以點套餐或者散叫，而我哋當然係要呢個特選會席二人套餐啦，因為有時令活蟹長毛蟹同鱈場蟹食，加上咁多款食物每人都係一千蚊左右，同係日本食差不多見完餐等咗一陣就有食物送上，首先有三文魚籽蟹肉沙律配蒜頭漬同螺肉，沙律菜好脆口，每一啖都食到三文魚籽同蟹肉，而且醬汁幾開胃之後有三點刺身，分別係拖羅、油甘魚同深海池魚，切得好厚身，而且全部都好新鮮，唔會見到有瘀血，拖羅入口即溶，幾重魚油再黎有蟹肉多士配忌廉芝士，多士上面除咗蟹肉之外，仲有蟹膏同蟹籽，所以味道十分豐富，再配埋忌廉芝士一齊食，芝士同蟹肉好夾，唔會搶咗各自嘅味道呢個係海膽黑魚子蒸蛋，蛋蒸得好滑溜，而且熱辣辣，每一啖都食到海膽、黑魚子仲有蟹肉，令到原本無乜味既蒸蛋加添左濃郁既海鮮味跟住到期待已久既毛蟹，係成隻咁上，但店員已經剪好晒唔同既部分方便我哋拆黎食，中間有勁多蟹膏，充滿鹹香，而蟹肉就好鮮甜，鹹度適中至於呢個就係浜燒鱈場蟹，燒得好香，食落去啖啖肉，頭先嘅毛蟹風味完全唔同，鱈場蟹肉比較有咬
仲有一個星期就到農曆新年，終於可以放個長啲嘅假期休息下，而今晚就同老婆黎食久違既蟹宴，用嚟滿足一下新年去唔到日本旅行既願望
餐廳可以點套餐或者散叫，而我哋當然係要呢個特選會席二人套餐啦，因為有時令活蟹長毛蟹同鱈場蟹食，加上咁多款食物每人都係一千蚊左右，同係日本食差不多
見完餐等咗一陣就有食物送上，首先有三文魚籽蟹肉沙律配蒜頭漬同螺肉，沙律菜好脆口，每一啖都食到三文魚籽同蟹肉，而且醬汁幾開胃
之後有三點刺身，分別係拖羅、油甘魚同深海池魚，切得好厚身，而且全部都好新鮮，唔會見到有瘀血，拖羅入口即溶，幾重魚油
再黎有蟹肉多士配忌廉芝士，多士上面除咗蟹肉之外，仲有蟹膏同蟹籽，所以味道十分豐富，再配埋忌廉芝士一齊食，芝士同蟹肉好夾，唔會搶咗各自嘅味道
呢個係海膽黑魚子蒸蛋，蛋蒸得好滑溜，而且熱辣辣，每一啖都食到海膽、黑魚子仲有蟹肉，令到原本無乜味既蒸蛋加添左濃郁既海鮮味
跟住到期待已久既毛蟹，係成隻咁上，但店員已經剪好晒唔同既部分方便我哋拆黎食，中間有勁多蟹膏，充滿鹹香，而蟹肉就好鮮甜，鹹度適中
至於呢個就係浜燒鱈場蟹，燒得好香，食落去啖啖肉，頭先嘅毛蟹風味完全唔同，鱈場蟹肉比較有咬口
食完蟹之後仲有鯛魚白湯，湯底煲到係奶白色，飲落去好甜，裏邊仲有菇同豆腐，正好可以清一清喉嚨同味蕾
跟住仲有松露甲羅燒配鍋巴，甲羅燒上面仲有蟹鉗，完全體現到大部份菜式都有蟹嘅部份，甲羅燒嘅份量多到鍋巴都點唔晒，同松露好配合，味道唔會太過鹹
最後仲有松露三文魚籽釜飯，真係成個釜飯熱辣辣拎出嚟，店員仲喺我哋面前撈松露同三文魚籽，未食已經聞到香味，食落去飯粒好分明，每啖都食到三文魚籽同松露，充滿鹹香
甜品有宇治金時奶凍同抹茶蕨餅，兩款嘅抹茶味都好濃郁，不過唔會整到好苦澀，剛剛好可以清去剛才食物嘅油膩感
雖然有啲貴，但呢一餐食得好滿足！！
張貼
