麻辣風雲 (荃碧大廈) (已結業)

今日同媽媽去食飯，嚟到《麻辣風雲 》當然係要食好耐冇食過嘅川菜啦。我哋嚟到荃灣荃碧大廈1樓，見到餐廳嘅餐牌菜式好吸引，川菜平時亦都好少食，一於就食川菜啦！鴛鴦魚，叫得鴛鴦魚當然係一魚兩味啦！既然係食川菜當然就係水煮魚同酸菜魚啦。一個RA鍋有兩種味嘅構思真係好呀！兩個人食叫兩鍋有太大，咁樣平分就最啱啦！魚肉嘅骨起得好乾淨，入口啖啖肉，滑捋捋，不論係麻辣定酸辣兩樣都好出色！香辣干鍋，材料非常豐富，上枱見到已經覺得好吸引，入邊有肥牛，大蜆，鮑魚，鮮蝦，雞件，材料好新鮮配上辣椒芝麻芫荽一齊炒又香又好味😋隻鮑魚原隻好大隻好奢侈啊呀！大蜆都好鮮甜！