影片
更多
2019-10-18
75 瀏覽
唔知幾多年冇食九龍城的「金寶泰國菜館」，佢算係九龍城元祖泰菜店之一，以前係地膽的時候都有食過，之後我搬左，同埋開多左其他泰菜店，就冇再食。是日同家人去九龍城食泰菜，忽然又諗起佢。佢隔離係同名越南菜店，人多的時候會安排你去是但一間，但裡面地方唔大，枱擺得好逼，絕對唔係坐得舒服果種。由於事前已經有心水，所以好快點左以下菜式。醬爆蝦丸（$96）係金寶名物，每粒炸到金黃色，大粒過乒乓波，薄薄炸衣下係爽滑彈牙蝦膠，最核心係好香好惹味蝦膏，雖然有點熱氣，但好值得一試。粉絲大頭蝦煲（$150）第一次食，d粉絲好有驚喜，唔乾，索晒味，但又唔會好鹹，我一人都食左兩大碗，只可惜d蝦肉霉左d。泰式串燒（$70）有6支，雞牛豬各二，雞同豬都好食，牛肉中等，因為醃得夠味，所以唔沾沙嗲醬都ok。泰式炒金邊粉（$65）唔算濃味，又冇咩油，食落幾清爽，材料都唔少，唔錯。烤豬頸肉（$60）同馬拉盞炒通菜（$55）都係預期味道，是穩陣之選。椰汁千層糕（$20），媽飽到上頸都要食嘅甜品，ok啦，冇左d椰汁會好d。
佢隔離係同名越南菜店，人多的時候會安排你去是但一間，但裡面地方唔大，枱擺得好逼，絕對唔係坐得舒服果種。
由於事前已經有心水，所以好快點左以下菜式。
醬爆蝦丸（$96）係金寶名物，每粒炸到金黃色，大粒過乒乓波，薄薄炸衣下係爽滑彈牙蝦膠，最核心係好香好惹味蝦膏，雖然有點熱氣，但好值得一試。
粉絲大頭蝦煲（$150）第一次食，d粉絲好有驚喜，唔乾，索晒味，但又唔會好鹹，我一人都食左兩大碗，只可惜d蝦肉霉左d。
泰式串燒（$70）有6支，雞牛豬各二，雞同豬都好食，牛肉中等，因為醃得夠味，所以唔沾沙嗲醬都ok。
泰式炒金邊粉（$65）唔算濃味，又冇咩油，食落幾清爽，材料都唔少，唔錯。
烤豬頸肉（$60）同馬拉盞炒通菜（$55）都係預期味道，是穩陣之選。
椰汁千層糕（$20），媽飽到上頸都要食嘅甜品，ok啦，冇左d椰汁會好d。
張貼
