上海婆婆336 (iSQUARE國際廣場)

營業中

休息中

放工相約在尖咀買野，所以快快手在isquare 樓上解決晚餐。最後選了上海婆婆，因為已經好耐無食。晚飯時間差不多坐滿人，隨意點了幾個餸。鎮江肴肉有8大嚿，件件都晶瑩厚料，肥肉入口不覺膩，點上鎮江醋，味道更突出。336小籠包皮薄餡靚的四大隻，熱騰騰上枱，筷子夾起亦不易穿皮。汁多肉嫩，點少許醋風味更佳。黑醋排骨排骨連著筋肉位，所以略帶肥美，黑醋酸甜開胃，醋汁濃稠，很好送飯。葱爆牛肉鑊氣十足的一道菜，牛肉嫩滑而入味，洋葱的清甜全在爆炒的過程中迫出，所以牛肉爽中帶甜，令人食唔停口。雪糕高力最後的高力夾著曲奇味雪糕，軟綿綿又冰凍的口感，剛好飽肚又過了甜品癮。以前成日食上海婆婆，但現在分店只剩低呢間，但估唔到水準仍然保持到，都幾驚喜，下次睇完戲可以再encore。