上海婆婆336 (iSQUARE國際廣場)

營業中

休息中

好耐冇食上海菜，朋友想食小籠包，所以放工約咗朋友去尖沙咀食呢間上海婆婆336。我以前都有食過覺得質素唔錯，睇吓今次再嚟食keep唔keep到。佢嘅環境好特別，因為佢有fusion嘅感覺，而且仲係播住韓文歌，但食上海菜感覺好奇妙。醉雞$88呢個醉雞非常高質，首先佢嘅肉質係好緊實，而且濃濃嘅花雕酒味，已經醃到好入味，而且咬落好嫩滑，所以同朋友好快就食晒，呢個頭盤值得推介。小籠包$38佢嘅小籠包一籠有四隻，咬落皮都算薄，而且好多汁，加埋薑醋，食落更加鮮味都值得一試。水煮牛肉初初上菜嘅時候覺得唔算大碗，但原來入邊有好多料，而且佢加咗好多唔同嘅香料，花椒同指天椒，食落去有種麻麻辣辣嘅感覺。而且佢嘅配料有好多，有冬粉、萵筍、蓮藕、薯仔、牛肉，所以食落都夠晒飽。榴槤雪糕冰粉通常食完辣野都會食碗冰粉，見到有榴槤雪糕味，就叫咗兩份同朋友試一試。呢個配搭好新穎，冰粉有種清涼嘅感覺，加埋榴槤雪糕，好香榴槤味，食完即刻感覺個嘴冇麻辣感。