春水堂 (東薈城名店倉)

營業中

休息中

見weekend又就黎新年，決定去東涌outlet血拼！知道東薈城擴建完，多左好多新店舖同餐廳行到攰攰地又想飲珍珠奶茶，最後入左呢個珍珠奶茶嘅始祖：春水堂！地點：位於商場嘅較遠一角，餐廳招牌唔係太突出，唔係咁易搵，要留意下大型水牌先搵到環境：店舖比較細少，枱與枱之間比較近光線充足，感覺潔淨衛生；茶水部以開放型式設計，食客可以睇到製作飲料嘅過程。食物質素：我地叫左兩個熱食，分別係蒲燒鯛魚便當同埋麻香烏骨雞麵線。便當份量相當大，有好多蔬菜同埋菇，菇屬於熱水烚，味道較淡；蒲燒鯛魚配上了鰻魚汁，十分入味，醬汁撈飯食一流！至於麻香烏骨雞，湯底充滿著藥膳味道，十分濃郁，但有啲油膩...幸好配上大量菇同蔬菜，令到整體都算清新。不過烏雞味道一般，份量都唔夠，令到有啲失望。飲品叫左一杯珍珠鐵觀音奶茶及一杯珍珠茉香奶茶，茶跟奶味道順滑分明，鐵觀音茶味回甘，比較突出！珍珠用上左細珍珠，口感彈牙又QQ，不愧為珍珠奶茶始祖！服務：上菜時間相當快，店員態度一般，尚可接受價錢：熱食加珍奶人均$130，飲品沒有套餐優惠價，因此價錢較高。