影片
更多
2019-03-15
186 瀏覽
想試JS Foodies 已經好耐，襯住朋友生日，決定去試下! 我地大概6點15分到，條隊唔算多人，大概有6個人係前面。大家即刻心諗「正!」應該等半個鐘度就有位啦，點知現實同幻想永遠都差好遠，我地最後等左個半鐘先坐低😭店員帶我地去座，枱上面有啲俾人影相嘅小道具，都幾得意。好！事不宜遲，等左咁耐緊係即刻叫野食！其實係等緊嘅時候，大家已經諗好哂食咩。我地叫左印度烤雞配飯、明太子醬海膽意粉、蕃茄海鮮意粉、酸忌廉黑松露薯條、法式焦糖班戟同士多啤梨藍莓香蕉班戟。等一樣到嘅係印度烤雞，一黎就聞到啲香料味，賣相亦相當吸引。首先個咖哩汁非常濃味，而且唔稀，好啱撈飯食。個雞亦都煮得唔會太乾，所以我地好快已經KO左成碟。第二碟黎嘅係明太子海膽意粉，亦係我個人最期待嘅主菜。海膽份量都幾足，連個意粉嘅份量都大，味道好重cream味。坦白講，其實就係同一般明太子意粉咁嘅味，只不過係多左啲海膽係上面，所以無咩特別，不過不失。美中不足嘅位，就係意粉都偏硬。之後係蕃茄海鮮意粉，蕃茄味好濃，唔係個種偏甜嘅蕃茄醬，我個人黎講都幾鐘意。今次個意粉就無明太子個咁硬，咬落口啱啱好。個黑松露意薯條炸得幾脆，不過都係無咩特別，建議
店員帶我地去座，枱上面有啲俾人影相嘅小道具，都幾得意。好！事不宜遲，等左咁耐緊係即刻叫野食！其實係等緊嘅時候，大家已經諗好哂食咩。我地叫左印度烤雞配飯、明太子醬海膽意粉、蕃茄海鮮意粉、酸忌廉黑松露薯條、法式焦糖班戟同士多啤梨藍莓香蕉班戟。
等一樣到嘅係印度烤雞，一黎就聞到啲香料味，賣相亦相當吸引。首先個咖哩汁非常濃味，而且唔稀，好啱撈飯食。個雞亦都煮得唔會太乾，所以我地好快已經KO左成碟。
第二碟黎嘅係明太子海膽意粉，亦係我個人最期待嘅主菜。海膽份量都幾足，連個意粉嘅份量都大，味道好重cream味。坦白講，其實就係同一般明太子意粉咁嘅味，只不過係多左啲海膽係上面，所以無咩特別，不過不失。美中不足嘅位，就係意粉都偏硬。
之後係蕃茄海鮮意粉，蕃茄味好濃，唔係個種偏甜嘅蕃茄醬，我個人黎講都幾鐘意。今次個意粉就無明太子個咁硬，咬落口啱啱好。
個黑松露意薯條炸得幾脆，不過都係無咩特別，建議大家不如留返多啲quota食多件pancake😂到重頭氣pancake!!!係唔係得影相就食左😭我地叫左一份厚一份薄。厚個個係士多啤梨藍莓香蕉班戟，空氣感十足，蛋味足，配上水果食非常夾，感覺好清新。
薄個款叫左法式焦糖班戟，顧名思義，有啲焦糖脆脆係面，口感好得意，味道唔會太甜。我自己欣賞呢款薄嘅多過厚pancake，可能因為空氣感重嘅pancake已經食過好多次。
總括黎講，如果唔係太多人排，我會再食👍🏻👍🏻
張貼
