影片
更多
2021-12-04
345 瀏覽
尖沙咀地標K11 Musea又多一間新餐廳進駐，The Mussels以法國藍青口創新料理作招牌菜，裝潢參考法國咖啡廳設計，窗外更可欣賞維港夜景，每個角落都充滿住法國浪漫風情✨• 帆立貝吞拿魚他他 $128不得不讚擺盤真係落足心機，紅白相間顏色吸睛，再放上花瓣裝飾，令人賞心悅目😳上面放咗yogurt sauce 同wasabi，撈埋新鮮嘅吞拿魚同帆立貝粒粒，酸爽中帶啖啖鮮味🤤• 意式羅勒番茄汁煮青口 $188The Mussels嘅招牌當然就係青口啦！除咗比利時最傳統嘅香草白酒汁煮青口，仲有法式藍芝士、意式羅勒番茄汁同日式柚子胡椒忌廉汁味數款選擇，融合多國風味！意式羅勒番茄口味酸甜開胃之餘，仲滲入咗青口嘅海水味，忍唔住直接𢳂嚟飲！隨青口仲會附送薯條添，雖然依個蕃茄汁比較稀，唔太建議點薯條食，但係就咁食個薯條已經夠晒香口美味🧡• 明太子意粉 $148拌好嘅明太子意粉再放上紫菜絲同紫蘇葉，味道更豐富一啲。意粉烹煮嘅時間同醬汁嘅濃稠度掌握得唔錯，但明太子嘅味道冇預期中咁濃，牛油味反而更出眾一啲，再重口味啲會更好！• 西班牙有氣酒Cava 依家只要點任何一款口味嘅招牌青口料理就會送一杯氣酒，酒
• 帆立貝吞拿魚他他 $128
不得不讚擺盤真係落足心機，紅白相間顏色吸睛，再放上花瓣裝飾，令人賞心悅目😳上面放咗yogurt sauce 同wasabi，撈埋新鮮嘅吞拿魚同帆立貝粒粒，酸爽中帶啖啖鮮味🤤
• 意式羅勒番茄汁煮青口 $188
The Mussels嘅招牌當然就係青口啦！除咗比利時最傳統嘅香草白酒汁煮青口，仲有法式藍芝士、意式羅勒番茄汁同日式柚子胡椒忌廉汁味數款選擇，融合多國風味！意式羅勒番茄口味酸甜開胃之餘，仲滲入咗青口嘅海水味，忍唔住直接𢳂嚟飲！隨青口仲會附送薯條添，雖然依個蕃茄汁比較稀，唔太建議點薯條食，但係就咁食個薯條已經夠晒香口美味🧡
• 明太子意粉 $148
拌好嘅明太子意粉再放上紫菜絲同紫蘇葉，味道更豐富一啲。意粉烹煮嘅時間同醬汁嘅濃稠度掌握得唔錯，但明太子嘅味道冇預期中咁濃，牛油味反而更出眾一啲，再重口味啲會更好！
• 西班牙有氣酒Cava
依家只要點任何一款口味嘅招牌青口料理就會送一杯氣酒，酒精感好重啱曬酒鬼，優惠去到10/12炸🔥
張貼
