影片
更多
2021-07-23
41 瀏覽
今次介紹既係一間主打澳式精品咖啡同現代澳洲fusion菜既本地cafe☕️，由一班90後既團隊打理，店主曾經係美國世界咖啡拉花比賽中拎過冠軍🏆，而佢地自家烘焙既fruity espresso blend更得到美國咖啡評鑑機構評出95分，係香港目前最高分既咖啡豆😳Cafe近呢兩年亦陸續開左幾間新分店🎊，遍佈中環、灣仔、銅鑼灣同尖沙咀，早前甚至進軍埋澳洲🇦🇺，實力真係不容小覷👍🏻.雖然一直都有同公司同事們享用佢地灣仔店佛心價20蚊一杯咖啡呢個優惠，不過一直都好想到訪佢地既銅鑼灣店；因為呢家分店除左係佢地首家dining cafe🍽，每份菜單可以俾客人選擇fine/causal dining之外，佢地販賣緊既咖啡豆亦係出自呢間分店內既咖啡烘焙機器，所以早排有日去開銅鑼灣做野就趁機去打返個卡🙆🏻♀️ ******************************✨ French Pork Cheek🐷 ($158)有別於一般酸種麵包，呢度麵包既口感近似牛油麵包，外皮唔會好似法包咁脆，酸種既味道亦甚為突出，非常適合鍾意食酸種麵包既朋友💁🏻♀️最特別既係兩片麵包之間夾左薯蓉🥔，食得出係天然無添加，如果
今次介紹既係一間主打澳式精品咖啡同現代澳洲fusion菜既本地cafe☕️，由一班90後既團隊打理，店主曾經係美國世界咖啡拉花比賽中拎過冠軍🏆，而佢地自家烘焙既fruity espresso blend更得到美國咖啡評鑑機構評出95分，係香港目前最高分既咖啡豆😳Cafe近呢兩年亦陸續開左幾間新分店🎊，遍佈中環、灣仔、銅鑼灣同尖沙咀，早前甚至進軍埋澳洲🇦🇺，實力真係不容小覷👍🏻
.
雖然一直都有同公司同事們享用佢地灣仔店佛心價20蚊一杯咖啡呢個優惠，不過一直都好想到訪佢地既銅鑼灣店；因為呢家分店除左係佢地首家dining cafe🍽，每份菜單可以俾客人選擇fine/causal dining之外，佢地販賣緊既咖啡豆亦係出自呢間分店內既咖啡烘焙機器，所以早排有日去開銅鑼灣做野就趁機去打返個卡🙆🏻♀️
******************************
✨ French Pork Cheek🐷 ($158)
有別於一般酸種麵包，呢度麵包既口感近似牛油麵包，外皮唔會好似法包咁脆，酸種既味道亦甚為突出，非常適合鍾意食酸種麵包既朋友💁🏻♀️最特別既係兩片麵包之間夾左薯蓉🥔，食得出係天然無添加，如果唔想食飯🍚/冷烏冬🍜既話都唔需要擔心食麵包會唔夠飽😌
主角Pork Cheek以汁煮烹調方式亦好夠入味，有種食緊日式燉肉既感覺🥘
比較可惜既係落單時店員告知Japanese smoked pork liver缺貨❌，所以今次到訪食既呢客主食並非full version🙈
-
✨ Chicken rice w/ Japanese sesame sauce🐔 ($128)
呢客主食既有雞蛋🥚又有雞排🐔，絕對可以堪稱為西式既親子丼😆
雞扒🐔先經過慢煮然後再香煎🍳，肉質十分嫩滑，味道亦醃得夠晒入味，無雪藏味之餘兼帶有濃郁天然香草味🌿，加上適量既芝麻醬，整體既味道甚為討好😋
鮮黃色炒蛋用上日本蘭王蛋🥚，除左蛋味濃郁口感亦夠晒creamy，另外亦夾雜唔少黑芝麻，口感上會無咁單調🤗
值得一提既係配菜除左有西式既車厘茄🍅亦有中式既菜心苗🌱，前者爽脆多汁而後者味道清甜，配菜都玩fusion真係估佢唔到🤣
米飯🍚同樣選用左日本米，份量十足男士👨🏻絕對夠食💁🏻♀️可惜個人略嫌偏乾左少少🤏🏻，濕潤💧返d既話就真係無懈可擊啦🧐
-
✨ Taro mochi muffin ($28)
Café既烘焙食品係由網店 @pinky__bakery 供應，全部以手工製作主打純素同無添加🙉
雖然個名叫得做muffin，不過佢其實偏似日式燒餅而唔係西式muffin；鬆餅內係芋泥同麻糬夾心，由於每個所用到既牛油🧈份量只有1g同埋無落過多既糖份，對於追求健康既朋友黎講可以話係完全無負擔🤗
芋泥只帶微甜，口感唔算好綿滑，顆粒感反而幾重，明顯食到芋頭好粉既個種口感，不過麻糬只有薄薄一層，煙韌口感好輕微，令人感覺佢既存在係似有似無咁，作為煙韌控既本人就覺得呢款鬆餅只係一般，唔算吸引😣
-
✨ Dirty☕️ ($42)
一直都知cafe會視乎返客人所選擇既咖啡風味而提供藍莓乾/nuts做返個pairing💁🏻♀️，可惜自己平時主要都係外賣🥤而未有機會試到
一如既往，有得揀既話本人多數唔會揀fruity blend😆 所以當日就選擇左呢度choco blend，聽左店員介紹先食幾粒藍莓乾🫐再飲咖啡，味道層次果然比單飲更加豐富😳
入口好感受到牛奶🥛既醇厚，牛奶夠凍再加埋面頭espresso既微溫，個人認為呢杯dirty係味道同口感上都唔錯👍🏻
-
✨ Latte☕️ ($42)
呢杯latte同樣揀左choco blend，雖然都係用左一樣既牛奶同咖啡豆去沖調，但味道飲落又同dirty好有分別🤣
奶泡既比例適中，入口綿密順滑☁️，好明顯就飲到牛奶既香醇😋個人認為latte同dirty最大分別係兩樣相隔一陣再飲返，前面帶有d酒香味🍾，而後者就好似飲緊朱古力🍫咁，兩者都各有特色同出色😬
******************************
👧🏻人均消費：$200 (另+10%服務費)
😋味道指數：4/5
💰抵食指數：3/5
🪑環境指數：4/5
💁🏻♀️服務指數：4/5
👍🏻再訪指數：4/5
-
📍NINETYs Roastery
地址：銅鑼灣恩平道28號利園二期1樓116號舖
⏰營業時間：08:00–21:00 (Mon–Sun)
(📍中環、灣仔、尖沙咀亦有分店，營業時間有所不同)
張貼
