鴨仔冰室 (已結業)

鴻圖中心地下有個高質food court，間唔中lunch hour都會去呢到搵食。有間以鴨做主題嘅鴨仔冰室，不過就唔係食鴨嘅，係黃色膠鴨😂以為佢喺港式懷舊餐廳，原來喺由丹麥廚師主理，主打丹麥及多國美食。座位都幾寬敞，坐得舒適，係冷氣較大，記得帶褸。一個lunch set 有得揀餐湯或沙律，估計呢碗係甘筍南瓜湯，細滑creamy。今日叫左H餐西冷牛扒配炸蝦意粉🍝，再加埋黑椒汁，少少辣好開胃。西冷扒好香炭火味，切肉質軟稔。黑椒汁撈意粉絕配，仲有隻即炸大蝦🍤，夠晒香脆。Lunch set +$12 有一杯🍍菠蘿冰特飲，估唔到咁好飲！唔會飲到好重糖水味，而菠蘿好甜，水唔會太甜，咬一啖菠蘿飲一啖就啱啱好。