一鍋堂 (大鴻輝(荃灣)中心)

營業中

休息中

男朋友告知一鍋堂搬左新鋪，見好耐無食，就同佢打下邊爐。新鋪燈光光猛，店內很多卡位，環境舒適。我地揀了晚市120分鐘B餐——特選安格斯牛，見到有新湯底同金寶湯合作😳，我選了忌廉周打蜆湯和櫻花蝦湯，忌廉周打蜆湯的湯底不會太濃，蜆的份量都頗多。一鍋堂用 QR Code 落單，落單查單都快捷容易。封門柳肉質鮮嫩，口感較煙韌，牛味濃香。丸類有驚喜，手作珍寶蝦丸，大大粒，滿滿的蝦肉，口感彈牙。潮洲牛丸，爽口彈牙，充滿肉汁油香，頗有牛味！提供了多種不同的飲品，我喜歡洛神花茶，花茶味濃，微微的酸味，令人非常開胃～ 十分適合打邊爐時飲用。