巴巴串

營業中

休息中

天氣熱辣辣但又想食燒烤，朋友帶咗我去觀塘駱駝漆大廈自轉串燒餐廳-巴巴串，涼住冷氣食燒烤，好過癮。我地揀咗B套餐安格斯牛放題，一坐底職員便送上日本宮崎A5和牛及燒肉拼盤，拼盤有安格斯牛板鍵、牛仔骨、牛粒、豬腩肉、雞泡魚乾等，全部無腌制，職員放樽味鹽俾我地自己調味，A5和牛入口即溶真系正，安格斯牛肉味濃，豬腩肉肥瘦相隔，燒雞泡魚乾真系最愛。等緊串燒時可以先畫紙仔嗌嘢食，上枱都好快，我地嗌咗蒜蓉焗蠔、鹽燒海蝦、燒韭菜等等，佢既炸物都好出色，每次上枱都熱辣辣，睇得出即嗌即做，連炸燒賣都有，又幾好食，我地嗌咗幾次。連我地平時燒烤最中意既墨魚咀、棉花糖、菠蘿都有，有驚喜，雞翼腌得好入味，唔錯。自助區可以自己拎，多款肉類、丸類及菜類串串可揀；有水果，又有雪糕，飲品及甜品種類都多，連爆谷，印尼蝦片都有，另外，除咗有幾款調味粉之外，仲有多款醬汁及牛油可調味，好滿足。