影片
更多
2023-02-20
84 瀏覽
燒烤堂燒烤堂位於食店林立的厚褔街，是間樓上舖，專門食串燒，一進門無論燈光和佈置都很有日式串燒店的感覺。我到達的時候時間尚早，大約六時多，店舖頗多座位，但約7時多開始，門口便陸續有人等位。我是第一次到這間店，店員很細心的向我解釋人氣食品，和某些招牌串燒的做法和特色，介紹完之後讓我慢慢看和點餐（選擇實在太多，真的要慢慢看），店員感覺很親切，又不會太催促。👍🏻一行二人，最終點了20多串食物和啤酒。食串燒梗係要飲生啤，日本生啤Sapporo仲要買一送一，即是$48 兩杯。😍因為食物太多，就不一一詳述，選一些特別出色和一些CP值高的菜式介紹：CP 值之選：～1️⃣川燒蒜茸茄子 $36 ：原條的，辣辣地，好惹味。2️⃣黄花魚一夜乾$98 ：係全條魚，而且燒得好好味，時間掌握得好好，唔會太乾，魚肉是滑的。可能是一夜乾關係，魚味好濃郁。3️⃣泰式腐皮餃子$38 ：有4件，個皮好輕好香脆，配泰式汁（類似生蝦嘅汁）。餡料有雞肉，同埋好似有少少雞軟骨。特色之選：～1️⃣豚肉節瓜波板糖(附月見）$38 ：好大件，真係成塊波板糖咁樣，下邊有一隻雞蛋（月見），兩樣嘢加埋件事唔同晒，節瓜加豬肉，再加生雞蛋，幾重口感。呢個大推😍，一
燒烤堂位於食店林立的厚褔街，是間樓上舖，專門食串燒，一進門無論燈光和佈置都很有日式串燒店的感覺。
我到達的時候時間尚早，大約六時多，店舖頗多座位，但約7時多開始，門口便陸續有人等位。
我是第一次到這間店，店員很細心的向我解釋人氣食品，和某些招牌串燒的做法和特色，介紹完之後讓我慢慢看和點餐（選擇實在太多，真的要慢慢看），店員感覺很親切，又不會太催促。👍🏻
一行二人，最終點了20多串食物和啤酒。
食串燒梗係要飲生啤，日本生啤Sapporo仲要買一送一，即是$48 兩杯。😍
因為食物太多，就不一一詳述，選一些特別出色和一些CP值高的菜式介紹：
CP 值之選：～
1️⃣川燒蒜茸茄子 $36 ：原條的，辣辣地，好惹味。
2️⃣黄花魚一夜乾$98 ：係全條魚，而且燒得好好味，時間掌握得好好，唔會太乾，魚肉是滑的。可能是一夜乾關係，魚味好濃郁。
3️⃣泰式腐皮餃子$38 ：有4件，個皮好輕好香脆，配泰式汁（類似生蝦嘅汁）。餡料有雞肉，同埋好似有少少雞軟骨。
特色之選：～
1️⃣豚肉節瓜波板糖(附月見）$38 ：好大件，真係成塊波板糖咁樣，下邊有一隻雞蛋（月見），兩樣嘢加埋件事唔同晒，節瓜加豬肉，再加生雞蛋，幾重口感。呢個大推😍，一定要試！
2️⃣鹽燒A4宮崎和牛$58 ：牛質素不容置疑，入口即化，一定要趁熱食，油香滿口。
3️⃣燒蟶子$48/58 ：店員說是每日新鮮到街市購買，所以會因應買到的貨，價錢有少少調節。我今日的size 好大，要$58 ，但比起海鮮店還是要平呢。而且真係好新鮮好厚肉。
其實所有串燒味道都唔錯，串燒分別有港式泰式和日式，而且廚師落調味料掌控得好好，唔會話太鹹或者太淡，每一款串燒都有自己嘅味道，不會千篇一律，是間有質素的串燒店。
溫馨提示：如果唔係食得好快，可以分開兩次叫。佢上菜嘅節奏都幾好。全餐飯分兩次叫，應該唔使等，又唔會凍，啱啱好。
張貼
