影片
更多
2020-11-10
105 瀏覽
我最鐘意食串燒，因為有人燒埋俾我食，又可以一件件咁點，啱曬我。呢度好有日本居酒屋嘅感覺，木造枱面同橙黃色嘅燈光，成間餐廳感覺舒服溫馨。聽住韓國K pop music, 心情輕鬆愉快。食串燒又點少得我最鍾意嘅生啤丫，簡直係絕配😛呢度仲有好多酒類選擇，譬如係清酒、手工啤酒、雞尾酒、紅白酒等等。海鮮類嗌咗扇貝，扇貝鮮甜同有好香嘅蒜味，如果粉絲再多啲嘅，簡直可以當主食呀。扇貝燒到剛剛好，唔會乾爭爭。大蜆都唔錯，簡單調味仲突顯到食材本身嘅鮮味。芝士燒蠔超正，蠔味香濃，大大粒，芝士味道唔太搶，甜甜地咁。和牛粒，一粒一口，牛味香濃有嚼勁。京蔥配埋燒汁既清新又香甜。菠蘿係必食之選，外層係焦糖，燒過之後甜味滲入菠蘿，先食到焦香甜味，後勁再有少少菠蘿嘅酸味，讚。食物整體質素讚👍🏼，下次要再嚟encore😊
呢度好有日本居酒屋嘅感覺，木造枱面同橙黃色嘅燈光，成間餐廳感覺舒服溫馨。聽住韓國K pop music, 心情輕鬆愉快。
食串燒又點少得我最鍾意嘅生啤丫，簡直係絕配😛呢度仲有好多酒類選擇，譬如係清酒、手工啤酒、雞尾酒、紅白酒等等。
海鮮類嗌咗扇貝，扇貝鮮甜同有好香嘅蒜味，如果粉絲再多啲嘅，簡直可以當主食呀。扇貝燒到剛剛好，唔會乾爭爭。大蜆都唔錯，簡單調味仲突顯到食材本身嘅鮮味。芝士燒蠔超正，蠔味香濃，大大粒，芝士味道唔太搶，甜甜地咁。和牛粒，一粒一口，牛味香濃有嚼勁。京蔥配埋燒汁既清新又香甜。菠蘿係必食之選，外層係焦糖，燒過之後甜味滲入菠蘿，先食到焦香甜味，後勁再有少少菠蘿嘅酸味，讚。
食物整體質素讚👍🏼，下次要再嚟encore😊
2 瀏覽
0 讚好
0 留言
張貼
