串串燒 by Season (已結業)

滿枱美食，有滷水大腸，台灣腸，火雞腎，墨魚丸，有燒羊架，菠蘿，金薯，秋葵，有清酒煮蜆……事關呢日來到太子附近，經過彌敦道某處，只見日式紅色燈籠高高掛，再睇吓廣告牌，串燒好抵食，每串9蚊起……入到地庫的餐廳，好似去到日本咁，還有日本歌曲播，yeah，我來到日本喇。宜家呢度做緊168蚊任飲清酒推介，平時飲清酒都唔平㗎，因此168任飲係鍾意飲酒人士的福音。自家製滷水大腸够味，燒到略為脆皮，唔錯; 話過我係海鮮控，清酒煮蜆中等size，漲卜卜，個量亦多，估佢唔到，食到好滿足; 燒菠蘿亦係我鍾意的食物，師傅好畀心機燒，食到好似creme brulee咁，面有層焦糖，正吖; 壽喜燒野菜小肥鍋亦唔錯，有嫩嫩的牛肉，滑滑的豆腐，2款菌及菜，好飽肚。