金凱小廚 (已結業)

嗰日朋友介紹咗佢屋企樓下個間雞煲串燒和牛火鍋放題都食晚餐，真的唔錯。一開始我哋就叫咗幾款串燒，雞軟骨，羊架，生蠔，扇貝，雞泡魚，海蝦，雞中翼，安格斯牛柳粒，菠蘿，食完簡直想再叫，好好味👍🏻食完串燒，都主菜啦，雞煲🤣我哋叫咗小辣，d雞好入味，一個字正👍🏻 我哋好快就食完個雞煲因為真係太好食，食完雞煲，又可以打邊爐，佢哋有幾款湯底俾我哋揀，有花膠雞濃湯，胡椒豬肚湯，醉雞湯，四川麻辣同埋沙嗲濃湯，我哋最後揀咗我哋嘅至愛醉雞湯。真係要講吓個醉雞湯，個湯底一到，好重嘅藥材同埋酒味，忍唔住馬上飲咗一碗湯👍🏻你哋有好多款火鍋配料俾我哋叫，最緊要係有好多款唔同嘅牛肉，火鍋必備👍🏻我哋不斷食完啲牛又再叫因為d牛好鮮嫩，有重牛味既有唔重既。除咗牛，我哋都有叫其他配料例如鴨血，芝士丸，龍蝦丸，牛柏葉，海蝦。 真心講，呢度既配料非常新鮮。呢度嘅服務員禮貌有禮，好關心照顧客人嘅需要，值得一讚。下一次會繼續同朋友嚟食。