影片
更多
2023-04-19
889 瀏覽
之前同男友食過呢間串燒覺得好味又性價比高，所以今晚再來食，晚上7點已經開始多人，餐廳好夠冷氣，坐得舒服，串燒店來講係無咩油煙同乾淨。串燒是即燒，等5-10分鐘就開始上菜，好有效率，串燒夠哂熱辣辣，仲有陣陣香味，少辣岩哂我口味。牛油金針菇 $32好香牛油味，金針菇掛滿牛油醬汁，微咸食完唔膩，份量夠多好抵食，個人非常推介。芝士雞肉薄餅 $42超級多芝士，一夾起薄餅就有拉絲芝士，芝士咸香濃郁，雞肉份量多又嫩滑，薄餅兩面都香脆，正過食pizza。金菇肥牛卷 $22肥牛帶油香，微辣又惹味，卷得好靚，包著金菇好爽口，燒得唔乾，食完仲想食。鹽燒牛舌 $26少少厚身都有口感，好似炆牛舌咁嫩腍易咬，咸咸地好香口，配啤酒最岩。黑毛豬肋串 $26豬味突出，口感較扎實，微彈帶爽，口感好正。煙肉露筍卷 $20煙肉好香，唔硬反而好嫩彈，露筍濕潤脆嫩，吸哂煙肉油香。頂級安格斯牛小排 $118份量都很足，揀左5成熟，切開見肉紋油花都靚，入口牛味濃郁，多肉汁又嫩腍，夠油香而不膩，配芥末醬更惹味，配菜露筍吸哂油香味。雞髀 $32雞髀大隻又抵食，好原身都燒得剛好熟，所以肉質嫩彈且多肉汁，雞皮香脆不油，有香草同孜然嘅香味，好
之前同男友食過呢間串燒覺得好味又性價比高，所以今晚再來食，晚上7點已經開始多人，餐廳好夠冷氣，坐得舒服，串燒店來講係無咩油煙同乾淨。
串燒是即燒，等5-10分鐘就開始上菜，好有效率，串燒夠哂熱辣辣，仲有陣陣香味，少辣岩哂我口味。
牛油金針菇 $32
好香牛油味，金針菇掛滿牛油醬汁，微咸食完唔膩，份量夠多好抵食，個人非常推介。
芝士雞肉薄餅 $42
超級多芝士，一夾起薄餅就有拉絲芝士，芝士咸香濃郁，雞肉份量多又嫩滑，薄餅兩面都香脆，正過食pizza。
金菇肥牛卷 $22
肥牛帶油香，微辣又惹味，卷得好靚，包著金菇好爽口，燒得唔乾，食完仲想食。
鹽燒牛舌 $26
少少厚身都有口感，好似炆牛舌咁嫩腍易咬，咸咸地好香口，配啤酒最岩。
黑毛豬肋串 $26
豬味突出，口感較扎實，微彈帶爽，口感好正。
煙肉露筍卷 $20
煙肉好香，唔硬反而好嫩彈，露筍濕潤脆嫩，吸哂煙肉油香。
頂級安格斯牛小排 $118
份量都很足，揀左5成熟，切開見肉紋油花都靚，入口牛味濃郁，多肉汁又嫩腍，夠油香而不膩，配芥末醬更惹味，配菜露筍吸哂油香味。
雞髀 $32
雞髀大隻又抵食，好原身都燒得剛好熟，所以肉質嫩彈且多肉汁，雞皮香脆不油，有香草同孜然嘅香味，好太吸引，個人也十分推介。
朝日啤酒 (大) $32
價錢幾公道，大支抵飲，雪得夠凍，而且提供的杯都食預先雪凍左，好貼心好正。
津路烏龍茶 $14
仲有汽水同其他罐裝或樽裝飲品，都係$12-$14 左右，都好抵飲，讚。
張貼
