影片
更多
2012-09-10
451 瀏覽
6月26日, 今晚約咗朋友喺天后一帶食飯, 以志成為食街嘅清風街一帶有好多唔同食肆, 我地揀咗近期好heat嘅串串貢, 原來隔離新開嘅串夠味都係佢地嘅分店, 因為我地4個人, 坐得舒服d就去咗地方大d嘅串夠味~ 好彩我地6點半到, 無book枱都有位!::: 脆卜卜雞皮串 ::: $18未食過用雞皮嚟整串燒, 感覺上只有雞皮好似好肥膩, 但係原來燒出嚟個質感都幾唔同, 燒乾咗嘅雞皮冇咁油膩, 反而更加脆卜卜, 似食炸魚皮, 個名真係冇叫錯~ 再加上香料粉更加香口惹味~ 第一次食感覺良好~::: 芝士獅子狗串 ::: $13獅子狗外皮燒得燶燶地, 十分香口, 加上中間嘅芝士, 味道好夾, 嗰種魚蛋味加芝士味更加添一份濃郁感~ 不過一定要熱食, 因為個芝士凍咗會凝固而變硬, 就唔好食.::: 麻麻地雞中翼串 ::: $13呢個係朋友叫嘅, 我地因為驚佢個麻味太重而搞到條脷麻痺咗, 不過朋友話都唔係好麻, 又真係唔辣, 可能下次我地叫嚟試下.::: 新疆式雞肉串 ::: $13呢個雞肉串叫得做新疆式, 都離不開係用咗似類蒙古烤肉嗰d孜然粉去燒~ 雞肉夠嫩滑, 咬落都唔嚡口, 唔錯~ 味道都幾
::: 脆卜卜雞皮串 ::: $18
未食過用雞皮嚟整串燒, 感覺上只有雞皮好似好肥膩, 但係原來燒出嚟個質感都幾唔同, 燒乾咗嘅雞皮冇咁油膩, 反而更加脆卜卜, 似食炸魚皮, 個名真係冇叫錯~ 再加上香料粉更加香口惹味~ 第一次食感覺良好~
::: 芝士獅子狗串 ::: $13
獅子狗外皮燒得燶燶地, 十分香口, 加上中間嘅芝士, 味道好夾, 嗰種魚蛋味加芝士味更加添一份濃郁感~ 不過一定要熱食, 因為個芝士凍咗會凝固而變硬, 就唔好食.
::: 麻麻地雞中翼串 ::: $13
呢個係朋友叫嘅, 我地因為驚佢個麻味太重而搞到條脷麻痺咗, 不過朋友話都唔係好麻, 又真係唔辣, 可能下次我地叫嚟試下.
::: 新疆式雞肉串 ::: $13
呢個雞肉串叫得做新疆式, 都離不開係用咗似類蒙古烤肉嗰d孜然粉去燒~ 雞肉夠嫩滑, 咬落都唔嚡口, 唔錯~ 味道都幾特別, 呢度嘅串燒應該只有呢個串燒係呢隻味, 少少辣夠刺激~
::: 牛舌 ::: $16
呢隻牛舌唔係薄切而係一粒粒~ 質地比薄切更彈牙, 牛味更突出, 唔錯~
::: 蒜香雞中翼串 ::: $13
因為我地冇叫麻麻地, 所以我地要咗呢個蒜香雞翼~ 蒜味唔係太重, 可能燒得耐都係俾d炭味蓋住… 但係雞翼整體個味道都幾好, 最好係開咗邊, 咁樣就唔會有外皮燒到燶但係中間嘅肉都仲係生嘅情況~
::: 黃金蟹蓋串 ::: $18
呢個係我地覺得最抵食嘅一樣! 心諗個蟹蓋咁硬點樣串埋? 原來係先釀咗d蟹肉喺個蟹蓋度, 再串埋~ 個顏色真係金金黃黃, 好吸引人, 亦都傳來陣陣嘅蟹香~ 雖然個蟹蓋唔算大, 但係釀入嘅蟹肉份量都幾多, 啖啖肉十分豐富, 蟹肉都幾新鮮, 燒完更加香口, 正!
::: 雞脾菇串 ::: $12
雞脾菇味道淡淡地, 燒出嚟太過乾瘦, 唔係太好食, 少少失望.
::: 香草蒜蓉法包 ::: $13
法包真係唔錯, 香草蒜蓉份量都十分重手, 法包每一部份都有, 唔會一忽只有麵包而冇料~ 蒜蓉味道十分香, 牛油都有滲入法包, 有外脆內軟感~ 雖然呢度係食串燒, 但係呢個法包又比好多地方好食~ 有驚喜!
::: 薄荷羊鞍 ::: $39
每逄有羊鞍食嘅地方, 我地都總會想叫嚟食下, 但係同牛豬雞嗰d唔同, 羊要做得好真係要d功夫~ 呢個羊鞍就唔算係好好味, 個賣相唔係好靚, 因為個薄荷醬太螢光, 比較嚇人… 味道嚟講, 薄荷味太流於表面, 脆口感都有, 但係裏面嘅羊肉味道唔羶, 亦都唔太夠新鮮咁, 話就話叫咗5成, 但係肉質偏熟, 有d韌, 麻麻地…
::: 煙韌年糕串 ::: $10
年糕夠特別, 燒到燶燶地有少少似燶咗嘅香口膠, 煙煙韌韌咁加上個外皮有小小脆, 唔錯~ 但係年糕係比較淡嘅野, 所以嗰塊紫菜作用十分大, 為個年糕加d清新嘅味道~ 係一個串燒地方食燒年糕, 可以一試~
::: 黑糖菠蘿串 ::: $13
燒菠蘿十分juicy! 但菠蘿本身已經有酸酸甜甜嘅味道, 加埋黑糖就好似太多, 令到菠蘿個味道過甜, 蓋住菠蘿味.
::: 照燒北海道帆立貝串 ::: $28
呢個帆立貝都係其中一個亮點, 帆立貝連埋裙邊好夠大隻, 燒嘅時間啱啱好, 唔會燒到個帆立貝好韌~ 咬落啖啖肉, 好鮮味又好夠肉汁, 加埋照燒汁仲更加惹味添~
::: 黑白芝麻醬凍烏冬 ::: $15
賣相差味道亦差, 嗰pat芝麻醬顏色已經唔討好, 個烏冬又好淋, 又唔夠凍, 成pat野淋pat pat咁, 雖說個芝麻醬味就唔錯, 但係質地太杰, 撈埋落d淋pat pat烏冬度真係幾好味都補救唔到…
::: 牛油栗米 ::: $16
牛油栗米估唔到咁嘅價錢竟然有咁嘅份量, 一客足足有兩大碌! 其他同價嘅雞脾菇同茄子都冇咁大件頭~ 栗米仲係估唔到咁甜, 冇燒到乾爭爭好似雞脾菇咁, 呢個要讚! 推介~~~
::: 茄子串 ::: $12
茄子我地會鍾意重慶燒嗰d原隻加燒汁加蔥嘅燒法多d, 而家將茄子切片咁燒法係會乾咗d, 加上茄子唔算新鮮, 所以只係普普通通…
::: 日式番薯 :::
日式番薯好甜, 外皮部位比較硬, 中間會淋番d, 有2種口感, 好似平時燒野食嘅時候燴番薯咁~
::: 特色飯團 ::: $18
食咗咁多肉同蔬菜, 當然食番d飯去填飽肚. 飯團可以揀燒或者唔燒, 但就冇得揀餡料, 只有齋飯團, 好彩佢都有個甜甜地嘅汁可以點下~ 飯團燒得都夠香, 夠脆又有少少飯焦, 份量都幾多, 食完都會飽咗d~
::: 龍眼水 ::: $10
食咁多串燒難免會熱氣咗d~ 飲番個龍眼水就夠晒下火! 呢個龍眼水都算足料~ 龍眼肉好多, 甜度自然又清甜, 飲完潤喉又舒服!
食完第一次真係知道點解呢間串燒咁受歡迎, 價錢大眾化之餘, 有正常平時串燒又有d特色嘅串燒~ 雖然我地今晚食嘅野都有d係普普通通, 但係要說都係好食嘅比較多, 好似蟹蓋、蒜蓉法包、帆立貝、栗米~ 但係佢地真係比較難book枱, walk in要睇彩數, 不過我地有機會都一定會再去!
張貼
