麻辣串串香 (已結業)

今晚約左個好耐冇見既朋友食飯 ，約七點但我早左少少到咁就係附近睇下有咩好食啦，發現到呢間麻辣串串香 門口睇相好似好吸引又好香，而同行朋友好鍾意食辣咁就唔諗喇，一於試試佢啦 。入到去門面唔算大但坐得都幾舒服，冷氣夠強勁 睇左餐牌 有幾款湯底既車仔麵可以揀，咁今次就揀左個大大碗麻辣燙，雜錦餸雖然唔係樣樣餸都有，但都夠晒豐富 湯底好過癮麻辣得黎好香 ，好有大陸味道。另外叫了幾款串燒 都好好味道 ，由其燒茄子 同埋牛舌真係不的了 ，茄子有勁多蒜蓉同有少少辣 燒到好香 ，喜歡重口味一定要試 另外牛舌 又係世界級好食 佢燒到剛剛好 鎖得番晒肉汁 係牛舌入面 牛味充足 值得一試👍🏻👍🏻其他串燒 都好有水準，可能店細，店員同客人多互動，友善，好有街坊人情味，總括黎講 一定會番食 👍🏻👍🏻👍🏻