南亭 (士丹頓街) (已結業)

近來都好熱，攪到冇晒胃口食嘢👉👈，晏晝時候，諗到喇，食串燒啦😁👌。行到上嚟唔算客滿，仲有少量坐位可以選擇，幾好丫😜。午市有套餐，因為我都食唔到咁多嘢😓，唔記得叫佢比少少飯🍚就夠添，浪費呀😓❗️叫完嘢食，叫杯酒醒一醒先🥃😜。菠蘿酒唔算太甜，比我想像中少甜好多👍，而且菠蘿味都好凸出添架😋。雞翼燒得好，不過都唔夠骨肉分離。雞軟骨夠香、彈。豚肉露荀卷係我至愛，露荀好 juicy ，豚肉薄薄一片。蕃薯都係細細粒嗰種好味道。鰻魚都好 juicy 。冬菇比較乾身喇。免治雞肉棒，食落去有啲好似軟骨嘅嘢，口感好好。