The Salted Pig (MegaBox)

營業中

休息中

環境闊落，坐得幾舒服，而服務都係唔錯嘅。至於食物方面，餐牌選擇眾多。 以今次試食左嘅而論，外觀賣相幾吸引，但食落又唔係話差，但冇咩驚喜。 感覺食物水準只算中上。豬手又唔係話好細隻，但又未至於嘩一聲咁大。 外皮都算脆，但係又未至於好脆。 肉質尚算鮮嫩，不過調味稍淡。 有趣係佢配芝麻汁，而唔係芥沬。 整體算中上水平，但係相比專食豬手、腸同飲啤酒果間，就爭咗少少喇。海鮮燴飯，賣相其實幾靚。 鑊仔上，海鮮配料有青口、魷魚、魚、蝦等等，都算豐富。 但係食落就發覺隻鑊仔比較淺。 至於飯本身，同預期中嘅西班牙海鮮燴飯相比，飯比較濕，冇咗應有嘅煙韌咬口。 另外，海鮮配料就咁食都唔差嘅，但係海鮮味就冇咩點燴到入飯入面。整體上，座位寬敞舒適，服務都唔錯。 食物水準中上已經可以接受的話，咁開開心心食返餐可以一試嘅。