金記冰室 (形薈)

營業中

休息中

我：老公今晚食咩呀？老公：我想鋸扒。我：但我想食小菜喎⋯⋯每當出現呢個情況嘅時候，我就會提議去金記冰室開飯，事關金記中餐西餐兼備，咁就唔使爭啦！入座後，已經有QR code嘅紙仔係枱面，掃一掃就可以落單。鹹蛋蓮藕蒸肉餅山配白飯鹹蛋黃好香，口感唔會粉，咀嚼肉餅時，吃到一粒一粒爽口嘅蓮藕，肉餅唔會死實，肉有彈性，碟中蒸過的蛋白加少許豉油，又可以送白飯啦，好味。椰汁涼粉冰奶味較濃，如果多番少少涼粉，少返少少奶，味道可能會好啲。粟米魚柳魚柳係脆嘅，唔會腍，粟米芡汁份量都剛好。清炒時蔬有魚、有肉，點可以冇菜呢？鐵板美式雜扒見到呢個真開心，有豬扒肉質嫩滑、雞扒大件肥美、牛扒肉汁豐富；腸仔煙肉都煎得不錯。還有蕃茄、粟米和洋蔥做配菜，鮮甜爽口。餐湯可以揀中湯或西湯，老公揀左中湯，貪佢夠滋潤。滿足肚皮的同時又滿足了兩個人的願望。