金記冰室 (創紀之城五期(apm)) (已結業)

今年中秋節就到啦🥰之前媽媽聽朋友講金記冰室嘅月餅唔錯，食悶左連鎖西餅店嘅我地就試下金記冰室出品嘅月餅🤤低糖雙黃白蓮蓉月餅🥮成日都聽到月餅有幾高卡幾肥🤢如果想食健康啲冇咁肥就可以試試佢嘅低糖雙黃白蓮蓉月餅🤩睇佢包裝發現依個月餅用左上等的一級湘蓮子同足油嘅鹹蛋黃🥚最吸引一定係佢用左天然代糖煮成低糖蓮蓉，食落味道依然甘香唔膩🤤切開月餅可以見到蛋黃夠大夠飽滿，仲有啲油立立令添🤩白蓮蓉的口感幾滑嫩，低糖版同平時食嘅傳統月餅味道冇大分別但又可以食得健康啲，啱曬屋企啲鍾意月餅嘅老人家食添🤙🏻另外佢包裝設計似足傳統月餅盒咁，比起成日見既鐵盒設計仲多左種港式傳統風味，係一個唔錯嘅月餅新嘗試😆#金記冰室 #kamkeecafe #低糖雙黃白蓮蓉月餅 #金腿伍仁月餅 #中秋首選