雲壽司 (德和大廈)

營業中

休息中

好耐之前食過太子嘅雲壽司覺得質素唔錯，今次再嚟位於中環蘭桂坊嘅分店，一樣都係冇令人失望呀！週末下午到訪，全場坐滿晒～個人特別喜歡吧枱位置，可以睇住師傅們製作壽司🍣別有一番風味～今次食咗期間限定特選二人餐$680，有兩碗丼飯+麵豉湯+沙律+ 12件壽司🍣+三款刺身，咁多嘢食真係性價比超高啊！刺身拼盤有三款刺身：牡丹蝦、深海池魚、磯煮鮑魚，牡丹蝦好大隻同埋鮮甜，頭都可以食！池魚好新鮮唔會腥，鮑魚爽口又入味。壽司拼盤有六款合共12件壽司，其中包括北海道海膽壽司、拖羅最司、辣味帶子軍艦、油甘魚壽司、赤蝦壽司同埋火炙左口魚邊壽司，每一款都新鮮肥美，其中最鍾意海膽壽司，入口即溶冇腥味，充滿陣陣甘香！迷你蔥吞拿魚腩丼+迷你鰻魚飯雖然話係迷你但係其實份量都唔少！尤其是係蔥吞拿魚腩丼，成座山仔咁高，一啲都唔迷你，吞拿魚油香十足，混合蔥同埋醬油一齊食，真係好美味～鰻魚飯都好惹味～麵豉湯有蝦頭嘅味道，幾特別，然後跟餐嘅蕃茄沙律都好出色，酸酸甜甜，特別開胃。