Cockloft (已結業)

今晚同朋友夜晚打算去中環飲嘢，諗住飲嘢之前搵個靜靜哋嘅地方傾吓計食個飯。行行吓入咗條巷仔，見到呢間鋪門面好多植物，食物都幾多選擇，就諗住試吓。.行到入間鋪就見到有條旋轉樓梯，幾有特色，好似真係去咗外國嘅小餐館咁。由於一樓已經坐滿晒，所以就安排咗我哋坐樓上，樓上嘅牆壁都係畫咗植物嘅圖案。靜靜地可以傾吓計，我哋都幾鍾意。.食物方面，餐湯唔錯。另外我哋叫咗牛肋條同埋三文魚意粉一齊食，好食！我哋兩個女仔食，份量都叫適中。但係一陣間仲有下場就唔叫咁多野。.其實見到鋪頭嘅裝修同埋食物擺設質素，睇得出老闆都係有心做嘅。加上中環呢個價錢可以靜靜地坐得耐咁傾吓計，性價比都算高。我覺得下次再去飲嘢之前都可以嚟依間餐廳，食飽就可以去飲嘢啦！