Brick by Brick

營業中

休息中

中環隱世馬拉菜位於中環鬧市嘅窄巷中間，估唔到有一間馬拉Fusion餐廳，食物質素比想像中高質！香辣脆炸一口雞($112)擺碟靚得嚟雞肉嫩滑，送酒一流！啤酒煮青口配蒜蓉包($218)白酒煮青口就食得多，好少試啤酒煮青口，青口仲要大大隻，甜甜哋幾夾！火熱砂煲香濃肉骨茶($165)上台時滾熱辣，食材新鮮，而且用上豬軟骨，肉身更加腍，有少少入口即溶嘅感覺。最欣賞係佢哋應該用咗啲方法隔咗層油，所以冇乜油膩感。店主仲話好補身，對女性好有益！椰絲咖椰薄餅($52)最有驚喜嘅一味！最卜卜嘅餅底加上甜耶耶嘅椰絲，好有口感！