影片
更多
2022-02-20
209 瀏覽
🌮🫕 Fukuro價錢：💰💰💰💰味道 : 👅👅👅/👅👅👅👅服務 : 🆗🆗🆗🆗回頭 : 📌📌📌📌Omakasa Lunch Set ~ $418/ person🍣迷你刺身拼盤 🥩 Beef Tartare 和牛他他🥬 Spinach Ohitashi 白芝麻醬伴乾菠菜🌽 Crispy Caramel Butter Corn 焦糖牛油粟米🥪 Chicken Katsu Sando 吉列雞扒三文治🦪 Grilled Scallop 燒扇貝🍜 Kimchi Udon 泡菜烏冬🍨 Monaka Ice Cream Sandwich 雪糕三文治Fukuro bookmark 左好耐，但實在太人氣，一直都無辦法試，直到近期禁晚市堂食，就試吓晏就去碰下運氣，點知又真係有位。餐廳燈光比較暗，氣氛都唔錯，本身猶豫緊單點定叫 Omakasa set，但一見到單點幾樣，但價錢已經同set差唔多，就試下個Omakasa set 啦，話晒都千辛萬苦先食到。🥩 Beef Tartare 和牛他他我個人本身未食過生既牛肉，亦有少少抗拒，但今次個set有咪試下囉，口感都軟滑，溝左日本蛋，味道都香濃，不過個人始終麻麻生
價錢：💰💰💰💰
味道 : 👅👅👅/👅👅👅👅
服務 : 🆗🆗🆗🆗
回頭 : 📌📌📌📌
Omakasa Lunch Set ~ $418/ person
🍣迷你刺身拼盤
🥩 Beef Tartare 和牛他他
🥬 Spinach Ohitashi 白芝麻醬伴乾菠菜
🌽 Crispy Caramel Butter Corn 焦糖牛油粟米
🥪 Chicken Katsu Sando 吉列雞扒三文治
🦪 Grilled Scallop 燒扇貝
🍜 Kimchi Udon 泡菜烏冬
🍨 Monaka Ice Cream Sandwich 雪糕三文治
Fukuro bookmark 左好耐，但實在太人氣，一直都無辦法試，直到近期禁晚市堂食，就試吓晏就去碰下運氣，點知又真係有位。餐廳燈光比較暗，氣氛都唔錯，本身猶豫緊單點定叫 Omakasa set，但一見到單點幾樣，但價錢已經同set差唔多，就試下個Omakasa set 啦，話晒都千辛萬苦先食到。
🥩 Beef Tartare 和牛他他
我個人本身未食過生既牛肉，亦有少少抗拒，但今次個set有咪試下囉，口感都軟滑，溝左日本蛋，味道都香濃，不過個人始終麻麻生肉，我評論唔到係咪好好食。
🥬 Spinach Ohitashi 白芝麻醬伴乾菠菜
呢個菜係烚熟菜後擰乾水，之後加上醬汁攪拌而成。始終白芝麻個味太嗆，唔係好食到菠菜本身個味道。
🌽 Crispy Caramel Butter Corn 焦糖牛油粟米
呢道菜可以話係今餐最驚喜，雖然食材普通，但搽上牛油同有焦糖後，成個粟米好香好脆，會想食完再食。
🥪 Chicken Katsu Sando 吉列雞扒三文治
Fukuro 招牌菜之一[和牛三文治]今次就食唔到，唯有食完吉列雞扒三文治先，炸皮薄，雞扒肉都充滿肉汁鮮嫩，配埋烘脆左既麵包，味道唔錯，但雞扒肉始終無和牛果種嫩滑 ，口感上始終差啲。
🦪 Grilled Scallop 燒扇貝
不過不失既一道菜。
🍜 Kimchi Udon 泡菜烏冬
呢道菜係OpenRice 曝光率最高既菜式之一，泡菜加上蟹肉去襯托個烏冬，味道有少少辣，入口都幾惹味，估唔到個味道都幾夾，只係蟹本身無乜味，加落去被泡菜味完全覆蓋，就好似可有可無咁。
🍨 Monaka Ice Cream Sandwich 雪糕三文治
最後甜品就係威化餅夾住雪糕，都係屬於正常水準。
最後，餐廳頭盤送左個迷你刺身拼盤俾我地試下，每樣有2件，食得出食材係新鮮，唔係送就馬虎了事。雖然$418 1位唔算好平，但包括左8道菜，而且各有特式，個人覺得性價比唔差。
#放唔低既只有🥢
#以上純屬個人親身感受
張貼