亞答屋

營業中

休息中

亞答屋今次要介紹一間喺中環街市有一間新加坡菜餐廳叫「亞答屋」，喺中環嚟講下午茶套餐$65起算係好抵食，有飯配埋湯簡直係糧尾恩物，輪椅人士去中環街市都好方便，有個位置係無梯級完全入到去，輪椅入口嘅標誌唔係好足夠引導輪椅人士去到入口，如果有得改善就更好！1.海南雞飯 配蟲草花雞湯$72+無糖可樂$10（8.5/10）呢個海南雞飯個海南雞肉質有少少厚實，海南雞大約有12件，飯係配油飯，蟲草花雞湯清甜好飲，仲可以加$10叫一罐無糖可樂！2.椰香咖哩鴨飯 配蟲草花雞湯$66+雪碧$10（9.5/10）呢個椰香咖哩鴨飯個咖哩汁都幾重椰香味，鴨肉肉質肥瘦適中，鴨件大約有11件，蟲草花雞湯清甜好飲，仲可以加$10叫一罐雪碧！3.泰式酸辣鳳爪$52（10/10）呢個泰式酸辣鳳爪味都唔算過份酸，唔算過份辣，味道有少少似泰式甜酸辣醬，鳳爪係無骨，大約13件鳳爪，非常好味！4.泰式古法炸鮮奶（3件）$28（10/10）呢碟泰式古法炸鮮奶一共有3件，每一件炸鮮奶都炸得好脆，入面鮮奶熱辣辣，奶味香濃，食到唔停口！2人總共價錢$238個人口味總評分：9.5/10   地址：中環皇后大道中93號中環街市地下G17號舖