地點：中環街市
菜式：越南菜
餐牌：下午茶餐牌簡單，有湯粉（河/檬），撈檬同小食。加$10可配汽水。去counter落order比錢之後等食物出。隔離就有位坐。
16
順。生牛肉牛肉丸湯河 $62
順。生牛肉牛肉丸湯河個湯好清，唔似有落味精，味道唔會太濃。生牛肉好幾片，口感味道都唔錯，真係嫩又唔肥，高質。牛丸3粒，雖然較細粒，不過彈牙多汁。伴有洋蔥圈，大量蔥條，芽菜，蔥花，一件白蘿蔔同脆脆。另上一細片青檸同辣椒粒等你自己調味。河粉係幼身，好淋滑。
順。生牛肉湯河 $56
無牛丸就平$6，順。生牛肉湯河適合想主攻牛肉人士。
1
春卷蓮藕蝦餅撈檬 $58
春卷蓮藕蝦餅撈檬就有多料春卷一開二，同蓮藕蝦餅兩件。蓮藕蝦餅蓮藕味濃，唔算太油膩，配檬粉剛好。配有酸咪咪紅白蘿蔔絲，生菜，青瓜絲，薄荷葉，好清爽，夏天食正。魚露另上。
食物保持一貫水準，中上環返工人仕可一試。
