Brick by Brick (已結業)

盡管天氣熱辣辣，作為亞洲人，真心鍾意食物呈現出最熱騰騰嘅狀態，呢間位於中環嘅馬來西亞風味西餐，就喺扶手電梯位隔離，喺旺中帶靜嘅內街位置，簡約嘅水泥牆掛上畫作裝飾，另外仲會有日本京都嘅系列相片小展覽，感受出店主的文化藝術氣息，而且炎炎夏日冷氣真係好足！而且每一張靠背椅都坐得好舒服。⭐️火熱砂煲香濃肉骨茶呢個係肉骨茶的一字骨完全無骨，應該說已經呈現軟骨狀態，真係炆得非常柔軟，不含任何味精及糖，絕對係女士欣物！湯底濃而不膩，感受到星馬的地道風味，連入面一起煮的豆卜都吸收哂湯汁，入口即爆湯🤭另外仲會有一碟撈湯嘅肉骨茶，專用醬汁，增加層次風味，一啖湯汁一啖飯，仲有油炸鬼同脆卜卜極香米味嘅手工蒜香米餅，絕對可以「拍」哂成碗飯！⭐️玫瑰酒煮卜卜大蜆配蒜蓉包作為餐牌入面廚師推介嘅單點之一，以玫瑰酒煮出香濃帶甜味嘅卜卜蜆，蜆肉都幾大隻，同埋估唔到份量都幾足，超香蒜蓉味道，同每一隻都好鮮甜香滑🤭每一片蒜蓉包都均勻吸收晒牛油與蒜蓉嘅味道👅⭐️椰絲咖椰薄餅感覺到薄餅香脆的質感，上面鋪滿了咖椰醬再灑滿棉密的椰絲芝麻花生碎🥜另外還伴有咖椰醬在旁，鍾意嘅仲可以點多啲咖椰醬，享受特濃嘅甜品滋味。