影片
更多
2022-02-22
294 瀏覽
Have been craving this for so long!!望穿秋水終於都恨到喇！呢間新派izukaya居酒屋一直都係我嘅to-eat-list頭三位，皆因無論網上定朋友間嘅好評都太多，加上佢嘅signature dish-炸粟米太過吸引，所以一直都好想試！但奈何佢真係太難book，幾次phone reservation都係唔通，網上更加長期full。就喺準備放棄之際，喺情人節前嘅星期六，我哋試下搭正12點直接walk-in，竟然有位！！鋪頭地點離地鐵站少遠，要預留多少少步行時間。大門偏隱蔽，起初因為睇唔到個招牌，差啲以為自己去錯餐廳🤣餐廳內裝修以工業風為主，牆身、餐枱櫈等都採用黑色雲石，用餐環境係高質嘅👍我哋今次食咗omakase lunch set，嘢食包括：Assorted Sushimi Platter餐廳送俾每枱客嘅一個迷你刺身。食材種類都多，包括鮟鱇魚肝配柚子啫喱、三文魚子配三文魚、同其餘兩款不確定係咪油甘魚同拖羅。老實講驚喜度就一般，但以free gift嚟講，都算可以為呢餐omakase打響頭炮嘅！Beef Tatare原本應該係clams with sak
望穿秋水終於都恨到喇！呢間新派izukaya居酒屋一直都係我嘅to-eat-list頭三位，皆因無論網上定朋友間嘅好評都太多，加上佢嘅signature dish-炸粟米太過吸引，所以一直都好想試！但奈何佢真係太難book，幾次phone reservation都係唔通，網上更加長期full。就喺準備放棄之際，喺情人節前嘅星期六，我哋試下搭正12點直接walk-in，竟然有位！！
鋪頭地點離地鐵站少遠，要預留多少少步行時間。大門偏隱蔽，起初因為睇唔到個招牌，差啲以為自己去錯餐廳🤣餐廳內裝修以工業風為主，牆身、餐枱櫈等都採用黑色雲石，用餐環境係高質嘅👍
我哋今次食咗omakase lunch set，嘢食包括：
Assorted Sushimi Platter餐廳送俾每枱客嘅一個迷你刺身。食材種類都多，包括鮟鱇魚肝配柚子啫喱、三文魚子配三文魚、同其餘兩款不確定係咪油甘魚同拖羅。老實講驚喜度就一般，但以free gift嚟講，都算可以為呢餐omakase打響頭炮嘅！
Beef Tatare原本應該係clams with sake，但當日可能食材有變，轉咗做生牛肉他他。今次應該係我第一、二次到食生牛肉，擺入口第一下都少少驚，但因為mix咗啲相信係由洋蔥為主角嘅醬汁，令到啲牛食落更香甜。再加上混合埋蛋黃，所以口感更滑，配埋佢嘅脆米紙，抵銷咗我對生肉嘅恐懼！
Spinach OnitashiOhitashi-燙菜再加上醬汁。今次用到嘅係菠菜，菠菜葉好整齊嘅砌成一束，周圍淋上胡麻醬，面頭再加芝麻同木魚。食嘅時候再撈埋一齊，感覺好refreshing。唔想咁heavy嘅可以唔點咁多醬😚
Crispy Caramel Butter Corn我會封為全餐omakase入面最愛嘅dish！首先我要釐清一下，呢個唔係一個tempura style嘅粟米，佢只係輕輕炸過，而唔係真係有層炸粉包住，所以英文都只係以’crispy’去形容。但特別之處在於搽咗牛油同焦糖喺粟米上面，令到成個粟米嘅甜味昇華咗。再加上輕炸過，一咬落去香甜嘅醬汁即刻逼哂出嚟，就算稱唔上好好好食，都可以話係好有心思嘅一道菜！
Chicken Katsu Sando繼炸粟米後第二個好想試嘅signature dish！Katsu，可以解讀為肉排咁解，katsu sando即係肉排三文治。原本係想試佢哋好出名嘅和牛三文治，但因為omakase menu fixed咗係雞，所以冇得試，但一樣有驚喜！雞佢哋選擇咗唐揚嘅做法，香脆嘅炸皮包住大大塊雞排，個口細啲都搞唔掂！欣賞個雞就算炸完都可以保持juicy & tender，完全唔會覺得鞋口！不過我成個dish最鍾意其實係塊麵包！食落去甜甜哋，好香！後尾先知原來佢哋係用北海道牛奶麵包，亦相信佢哋係輕輕炸過，所以將塊包嘅精華完完全全逼咗出嚟！下次一定要再試埋和牛！
Grilled Scallop原本以為係燒原粒扇貝，但原來係迷你帶子粒🤣佢用咗扇貝殼做container，放咗兩、三粒帶子粒、雜菌同埋洋蔥，再撈埋相信係蒜蓉牛油嘅醬汁去煮，食落好香濃。不過個人認為味道稍咸，同埋真係一啖就食哂！有少少唔夠喉！🙈
Kimchi Udon想講上呢個烏冬嘅時候已經好飽😂但偏偏呢個烏冬都好大個，兩個人食都分到一人兩碗多😮💨😅成個菜正常發揮，烏冬係讚歧，好煙靭，完完全全哋索哂啲kimchi汁。不過kimchi汁本身就係辣為主，佢嘅味道已經大到可以cover哂其他食材嘅味道，再加上真係開始飽，食到第二碗已經係「趕住收工」嘅節奏，只求唔好食剩，冇咩點真係enjoy個菜本身😂
Monaka Icecream Sandwich嚟到甜品環節，繼續以佢哋其中一個
signature-Sandwich為主題，不過夾住嘅係雪糕🤪Sandwich係薄身威化盒，類似日式甜品抹茶紅豆白肉底下嘅威化。雪糕好香純，不過食唔出咩味，面頭有啲相信係berries cream，令雪糕增添幾分清新甜味。甜品獨特之處係竟然可以咬開嘅時候係唔會散，唔會食到好狼狽！
今次omakase埋單一千蚊都唔洗，今次仲要又唔記得叫鋪頭俾tap water，要咗still water，加咗60🤣(又係aqua group專用的acqua panna water😅😂)不過確實性價比高，推薦👍
張貼
