先講個潮州滷水豆腐一上枱就聞到好香嘅滷水味！豆腐切得方方正正，滷到金黃色，入口超級嫩滑，豆味好濃。個滷水汁真係精髓，鹹香得嚟帶啲藥材同香料味，完全唔會死鹹，仲有淡淡回甘！底層仲有滷水蛋同五花腩，索晒啲精華，送白飯真係一流！
至於個潮州小炒鑊氣十足！韭菜花、蝦乾、肉絲、魷魚全部炒得乾身又入味，最正係加咗啲菜脯粒，食落鹹香爽脆，口感超豐富。個味道調得啱啱好，唔會太鹹，仲帶啲微辣，真係忍唔住一啖接一啖！
味道真係好正宗，價錢仲要好合理。兩個餸加白飯都係百零蚊，喺中環來講真係好抵食！已經同同事講定下次要再來試佢哋嘅蠔餅同凍蟹！
1
2
