影片
更多
2023-04-29
854 瀏覽
《GOGYO五行 - 中環》星期五放例假，今次就帶咗媽咪去中環區行gallery，同埋去咗大館睇展覽tim😉睇完當然要搵野食啦，我地去咗一間位於歷山大廈入面主打日式拉麵嘅餐廳食午餐，以中環呢個地段嚟講，呢度嘅lunch set絕對可以話抵食，平均$90-200就有一個午餐仲要包指定飲品👍🏻餐廳裝修好日式而且坐得好舒服，整體體驗十分良好呢💁🏻♀️世界唯一的忌廉芝士 $68前菜揀咗店員推薦嘅芝士配脆麵包，芝士醬上面有黑豆同蜂蜜，食落有咸甜交錯嘅感覺，而cream cheese 食落好軟滑，同脆卜卜嘅麵包有相輔相成嘅作用👍🏻我個人十分喜歡🤭每片麵包都厚搽一層芝士醬先夠喉💁🏻♀️鰻魚三味定食 $298媽咪喜歡食鰻魚，所以佢就揀咗呢個定食，入面嘅配菜勁多，有三文魚刺身同沙律之餘，仲另外再配咗高湯比我地食到後期時加入鰻魚飯內當茶漬飯，一食三味😋好日式嘅做法呀，鰻魚嘅份量好多鋪滿咗喺個飯上面，另外個鰻魚汁都係精華所在，令到個飯好有油香好惹味😉最後落埋高湯食成件事好滿足😌💁🏻♀️五行焦香味噌拉麵 「水」定食 $158我知道呢間餐廳其實除咗定食出名之外，主打嘅拉麵都做得好出色，今次試咗佢個較為重口味嘅五
星期五放例假，今次就帶咗媽咪去中環區行gallery，同埋去咗大館睇展覽tim😉睇完當然要搵野食啦，我地去咗一間位於歷山大廈入面主打日式拉麵嘅餐廳食午餐，以中環呢個地段嚟講，呢度嘅lunch set絕對可以話抵食，平均$90-200就有一個午餐仲要包指定飲品👍🏻餐廳裝修好日式而且坐得好舒服，整體體驗十分良好呢
💁🏻♀️世界唯一的忌廉芝士 $68
前菜揀咗店員推薦嘅芝士配脆麵包，芝士醬上面有黑豆同蜂蜜，食落有咸甜交錯嘅感覺，而cream cheese 食落好軟滑，同脆卜卜嘅麵包有相輔相成嘅作用👍🏻我個人十分喜歡🤭每片麵包都厚搽一層芝士醬先夠喉💁🏻♀️鰻魚三味定食 $298
媽咪喜歡食鰻魚，所以佢就揀咗呢個定食，入面嘅配菜勁多，有三文魚刺身同沙律之餘，仲另外再配咗高湯比我地食到後期時加入鰻魚飯內當茶漬飯，一食三味😋好日式嘅做法呀，鰻魚嘅份量好多鋪滿咗喺個飯上面，另外個鰻魚汁都係精華所在，令到個飯好有油香好惹味😉最後落埋高湯食成件事好滿足😌💁🏻♀️五行焦香味噌拉麵 「水」定食 $158
我知道呢間餐廳其實除咗定食出名之外，主打嘅拉麵都做得好出色，今次試咗佢個較為重口味嘅五行焦香味噌拉麵，定食再附送小食F.T.W.辛口手羽先🐥拉麵湯底係成個麵嘅靈魂，係以熱油高溫烘烤佢哋秘製嘅焦香味噌製成，所以食麵一定要先飲湯，你會飲到有陣濃濃嘅焦香味，仲食到蒜油嘅味道👅叉燒好軟熟，淋到我呀婆都可以輕易咬得開嘅感覺，係我喜歡嘅口感❤️唯一覺得可以調整嘅係個麵嘅硬度，因為我個人鍾意食硬麵，如果佢可以比客人自己選擇麵要軟啲定硬啲嘅質地就更好啦，而個F.T.W.辛口手羽先由於係單骨嘅關係，一啖就可以啜到啲肉出嚟食又真係幾方便，啲皮嘅面頭有層香甜嘅醬汁，甜甜辣辣食落幾惹味👍🏻就算要單點我都會再叫的
張貼
