影片
更多
2023-09-16
106 瀏覽
懷石料理係好精緻珍貴🥰早幾日同屋企人識咗一間超高水準，每一碟都用心製作，賣相同味道都無懈可擊，非常值得特別節日嘅時候去😌季節料理$1380，精緻用心程度會令你覺得值前菜佢哋嘅餐具真係，咁精美嘅食物，原來係魷魚麵，精緻細膩嘅刀工切開魷魚，令佢變成好似麵條，少啲功夫都唔得。配上特製嘅鰹魚汁，酸酸地感覺清新。八寸真係超級鍾意賣相一流😃襯返夏天季節，呢幅畫係由餐廳主廚親自畫，成個構圖設計都好靚，好用心。綠色嗰個係法國蘆筍咬爽甜，黃色嗰個就係炸粟米食嘅時候仲係暖。隔離好似蛋糕嗰個原來係焗蛋，配上鮮味十足嘅帆立貝汁，最後嗰個就係炸紫菜，好好味。墨魚汁米紙女仔一定好鍾意，因為影得好靚，墨魚汁米紙係用西米做出嚟。上面加咗魚子醬、枝豆以及其他裝飾，睇落去超級矜貴，識嘅時候慢慢品嚐橙色嗰啲醬，原來係牡丹蝦他他，呢個食法真係好創新好特別。刺身簡直係視覺衝擊🥰裝飾係京都，成個小城出咗嚟。有北海道帶子，上面黑色嗰啲係竹炭鹽同柚子醋啫喱，帶子好甜大大粒。石垣鯛卷住淡雪鹽，呢種白身魚唔使太多調味已經有魚香。最後就係晶瑩剔透嘅靜岡金目鯛，經醬油漬調味再火炙魚皮，食時有啲焦香。魚肉帶子賣相做法都好用心，見到好大粒帶子，
季節料理$1380，精緻用心程度會令你覺得值
前菜
佢哋嘅餐具真係，咁精美嘅食物，原來係魷魚麵，精緻細膩嘅刀工切開魷魚，令佢變成好似麵條，少啲功夫都唔得。配上特製嘅鰹魚汁，酸酸地感覺清新。
八寸
真係超級鍾意賣相一流😃襯返夏天季節，呢幅畫係由餐廳主廚親自畫，成個構圖設計都好靚，好用心。綠色嗰個係法國蘆筍咬爽甜，黃色嗰個就係炸粟米食嘅時候仲係暖。隔離好似蛋糕嗰個原來係焗蛋，配上鮮味十足嘅帆立貝汁，最後嗰個就係炸紫菜，好好味。
墨魚汁米紙
女仔一定好鍾意，因為影得好靚，墨魚汁米紙係用西米做出嚟。上面加咗魚子醬、枝豆以及其他裝飾，睇落去超級矜貴，識嘅時候慢慢品嚐橙色嗰啲醬，原來係牡丹蝦他他，呢個食法真係好創新好特別。
刺身
簡直係視覺衝擊🥰裝飾係京都，成個小城出咗嚟。有北海道帶子，上面黑色嗰啲係竹炭鹽同柚子醋啫喱，帶子好甜大大粒。石垣鯛卷住淡雪鹽，呢種白身魚唔使太多調味已經有魚香。最後就係晶瑩剔透嘅靜岡金目鯛，經醬油漬調味再火炙魚皮，食時有啲焦香。
魚肉帶子
賣相做法都好用心，見到好大粒帶子，好甜，側邊嘅魚肉由師傅手打，食嘅時候好軟。稻穗用二百度熱油炸過，可以加落去個湯度。最後連個湯都飲曬！
無花果天婦羅
好特別，之前未食過，水果都可以拎來做天婦羅😯外層香脆內裏甜。個底有北海道白粟米，清一清。
脆鱗金鯛
鯛魚用日本傳統手法令佢嘅鱗片豎起，側邊有法國手指羅白、蘆筍等等。整體好靚好用心，個個都會鍾意。
法國黑松露糯米飯
去到今晚壓軸主食☺️上面有好多即刨黑松露，距離遠遠都已經聞到，下面嘅糯米飯好黏有咬口，分量剛剛好。
麵豉湯
甜品
食完一系列豐富菜式，甜品主打生果，有梨、草莓、夕張蜜瓜、海鹽雪糕。全部都清清地唔會太甜太漏，感覺好舒服。
張貼
