Brick by Brick (已結業)

今日心血來潮好想食東南亞嘢,朋友話中環後行有間馬來西亞餐廳肉骨茶好正，食過之後真係名不虛傳，佢哋嘅火熱馬拉砂煲肉骨茶果然不錯，味道非常好，用豬軟排骨來熬製的湯底，味濃郁又帶藥材香味，真材實料。仲配上白飯油炸鬼及手工蒜香米餅。餐牌上令一道菜好少喺其他餐廳見到就係招牌喇沙烤雞，烤香嘅雞外脆內軟，喇沙味道非常之香，仲要新鮮蔬菜做伴菜，食唔停口。飲品叫咗個香茅薑茶熱飲及羅漢果熱飲，都幾有特色，飲完暖笠笠。另外佢哋仲有咖喱喇沙，同肉骨茶盒裝外賣，買返屋企整返熱就有得食非常方便。老闆娘非常健談，堅持健康飲食不落味精。