影片
更多
2022-03-23
259 瀏覽
最近見到好多foodie都推薦秘魯烤雞，又話好正宗好特別好好食，OpenRice都好多好評，特別上網訂枱去試係咪真係好食，個人覺得一般冇驚喜，可能係唔啱我口味，但真係好普通😂😂裝修好有秘魯feel(?)牆身黃色畫咗好多秘魯嘅壁畫同掛咗相，感覺好溫暖好有家庭feel，打卡都好有特色🤣有早午市套餐，套餐包括一個湯或者一個嘢飲，配菜都好多選擇，五揀二，雜菜沙律，烤番薯，薯條，蒜香飯，是日精選配菜，需要收另外+1服務費。🍴餐湯 (3/10)是日餐湯係南瓜豬肉湯，直譯pumpkin pork flavor soup🤣 表面加咗炸蒜同埋蔥花，成個口感好特別，首先南瓜湯係冇南瓜味，得隻顏色，質感唔係特別濃稠，鹹鹹地嘅豬肉湯，加埋炸蒜同埋蔥花都係好古怪🫣🍴秘魯烤雞 半隻 $139 (7.5/10) 需另收加一份量都幾足，好大份！配菜要左沙律同埋是日精選配菜，即係蕃茄沙律🥗 雞燒得好Juicy，有肉汁一啲都唔會乾，但真係食唔出烤雞用咗咩去醃製，因為個雞肉真係冇乜味道，仲食得出有少少雪雞嘅味😂😂會形容為高級版嘅大家樂燒春雞，真係好食過大家樂嘅但個味差唔多🤏🏻最特別嘅就係黃辣椒醬，真係幾辣，但辣得幾過癮，係
裝修好有秘魯feel(?)牆身黃色畫咗好多秘魯嘅壁畫同掛咗相，感覺好溫暖好有家庭feel，打卡都好有特色🤣有早午市套餐，套餐包括一個湯或者一個嘢飲，配菜都好多選擇，五揀二，雜菜沙律，烤番薯，薯條，蒜香飯，是日精選配菜，需要收另外+1服務費。
🍴餐湯 (3/10)
是日餐湯係南瓜豬肉湯，直譯pumpkin pork flavor soup🤣 表面加咗炸蒜同埋蔥花，成個口感好特別，首先南瓜湯係冇南瓜味，得隻顏色，質感唔係特別濃稠，鹹鹹地嘅豬肉湯，加埋炸蒜同埋蔥花都係好古怪🫣
🍴秘魯烤雞 半隻 $139 (7.5/10) 需另收加一
份量都幾足，好大份！配菜要左沙律同埋是日精選配菜，即係蕃茄沙律🥗 雞燒得好Juicy，有肉汁一啲都唔會乾，但真係食唔出烤雞用咗咩去醃製，因為個雞肉真係冇乜味道，仲食得出有少少雪雞嘅味😂😂會形容為高級版嘅大家樂燒春雞，真係好食過大家樂嘅但個味差唔多🤏🏻最特別嘅就係黃辣椒醬，真係幾辣，但辣得幾過癮，係辣椒加芥末嘅感覺，點醬完全cover晒所有味！
沙律都好新鮮，係生菜，粟米，蕃茄，紫洋蔥，用咗柚子醋汁再加橄欖油，好清新！食完成份係好飽！
🍴安第斯燒烤牛扒 $139 (5/10) 需另收加一
牛扒150g，燒到Medium Rare，肉質因為比較生所以都係嫩滑，但就冇乜肉味，本身已經普普通通，塊牛扒係勁鹹😂😂😂廚師真係好重手！靠住點黃辣椒醬去食完佢🥲上面係阿根廷青醬好清新，酸酸地，有好多香草同埋橄欖油，份牛扒最特別就係呢個阿根廷青醬😂😂
薯條正正常常，有薯仔味不過份量偏少😂
推薦指數: 7/10
百零蚊份量都好足，但食物質素真係一般，坦白講唔覺得有咩秘魯特色？烤雞可以一試，但食完會覺得真係好普通，冇必要嚟排隊食🤣
個感覺就係唔會再想食第二次😅
唯一加分位係侍應都好細心，有禮貌，會自動加水同比紙巾。
走嘅時候見到有好多人排隊，心諗大家應該都係比網上嘅好評吹大而嚟😂
張貼
